Luka 9:26 - The Holy Bible In Alur (Lur) Revised Orthography

²⁶ Kum ng’atu ma tek lewic binege i kuma kum lembe para de, Wod dhanu de lewic binege i kume, kan ebino i dwong’ pare, ku dwong’ pa Wego, ku mi malaika maleng’.

Luka 9:26 ပူးပေါင်းရင်းမြစ်များ

Isaya 53:3

Dhanu caye, man gikwere; en e dhanu mi can, man eng’io ku masendi: man jucaye calu ng’atu ma dhanu panu wang’gi ni kume; e wakwane ni gin moko ngo.

Daniel 7:10

Kulo mi mac ukadhu uai i wang’e: rubanga mi rubanga gitimo ire, man rubanga apar bang’ rubanga apar gicungo i wang’e: e juketho pokolembe, man juyabu kitabu.

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

Matayo 25:31

Ento ka Wod dhanu bibino i dwong’ pare, ku malaika ceke gikugi, ebilund jany wi komker mi dwong’ pare:

Matayo 26:64

Yesu wacu ire kumae, Iwacu: endre awacu iwu kumae, Ugambre kawono wubineno Wod dhanu ujany yo ku cing’ ma yor acwic mi Tego, kan ebebino de ku i afuru m’i polo.

Marko 8:38

Kum ng’atu ma tek lewic binege i kuma kum lembe para de i kind dhanum’utuk maeni mi gier ku dubo de, Wod dhanu bende lewic binege i kume, kan ebino i dwong’ pa Won ku malaika maleng’ de.

Yohana 12:43

kum gimaru dwong’ mi dhanu ma sagu dwong’ pa Mungu.

Yohana 5:44

Wucopo yio nenedi ma wujolo dwong’ ng’atuman ba wadi man ba wadi, man wuyenyo dwong’ ungo m’uai ba Mungu m’e kende?

Tic Mi Jukwenda 10:22

Giwacu kumae, Kornelio ma jego, ng’atu ma pwe man ng’atu ma lworo Mungu, pire ber de ba thek dho mi Juyahudi, malaika ma leng’ upoye ya eor julwong’i ibin i ot pare, ewinj lembe i beng’i de.

Jurumi 1:16

Kum lewic unega ngo kum lembanyong’a ma juboth ko: kum en e tego pa Mungu mi both ni dhanu ceke kubang’gi kubang’gi m’uyio; ku kwong’a ni Jayahudi, man ni Jayunani bende.

2 Jukorinto 12:10

Kum kumeno anyong’a nega i ng’ic, i acidi de, i can piny, i ragedo, i can m’alimo, ni kum Kristu: kum kinde ma a ng’ic, kinde maeca a tek.

Jugalatia 6:14

Ento ayenyo ya kud alula, ento kum yen m’athara pa Rwoth mwa ma Yesu Kristu kende, ma ng’om ubedo agura ira ni kume, an de ni ng’om.

1 Timoteo 5:21

Ang’olo iri i wang’ Mungu, ku Kristu Yesu, ku malaika ma jugoyo nying’gi, ya iwor gin maeni ma fodi ikung’olo pire ngo, ma k’itimo gin moko ngo ni kum mer m’imaru ko jumoko.

2 Timoteo 1:12

Kum lembe nini abemula ku can kum giki maeni bende: endre lewic ubenega ngo; kum ang’eyo ng’atu m’ayio, man ang’eyo andhandha nia ecopo gwoko lembe m’aketho i kore cil i ceng’ maeca.

2 Timoteo 2:12

tek wamula ku cani, wabicamu ker wakugi: tek wabikwere, en bende ebikwerowa:

Juebrania 11:26

m’ekwanu cac ma jucayu ko Kristu ni lonyo ma dwong’ ma sagu piny m’akana mi Misiri: kum eneno ba giramia mi sukulia.

Juebrania 13:13

Ka kumeno dong’ wawoku woko i bang’e i ng’ei kagonjo, ma wayeyu ko cac pare.

Yuda 1:14

Man Enok bende, ma ng’atu mir abirone yo ng’ei Adamu, eewo ni joni, ewacu kumae, Nen, Rwoth ubino ku jupare ma leng’ rubanga apar,

Lembanyutha 1:7

Nen, ebino kud afuru; man ku ba wang’ ceke binene, ku ju m’ucobe de; man thek ceke m’i ng’om biywak ire. Cil kumeno. Amen.

Lembanyutha 20:11

Man aneno komker ma tar m’ulwar, ku ng’atu m’ujany i wie de, man ng’om ku polo de giringo wang’e; man kakagi nwangre ngo igi.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 3:5

Ng’atu m’uloyo bironyo kendi ma tar kumeni; man abiruco nyinge woko kud i kitabu mi kwo ki ngo, man abituco nyinge i wang’ Vwa, kud i wang’ malaika pare.