Luka 9:11 - The Holy Bible In Alur (Lur) Revised Orthography

¹¹ Ento udul dhanu m’ung’eyo maeni gilubo ng’eye: man ejologi, eyero igi de pi ker pa Mungu, man ekeyo kum ju ma can keyo kum unegogi.

Luka 9:11 ပူးပေါင်းရင်းမြစ်များ

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Matayo 12:15

E Yesu m’ung’eyo maeni eai ku kakeca: man dupa gilubo ng’eye; e ekeyo kumgi kpo,

Matayo 14:14

E eai woko, eneno udul dhanu de ma dit, man ngisi nege i kumgi, e ekeyo kum weg tho migi.

Matayo 21:31

Makani ma kind juario m’utimo ka cwiny woni? Giwacu kumae, Ma kwong’ane. Yesu wacu igi kumae, Andha awacu iwu, nia weg ajok ku weg tarwang’ gilar gimondo iwu i ker pa Mungu.

Matayo 21:43

Ka kumeno awacu iwu kumae, Jubikabu ker pa Mungu woko kud i beng’wu, jubimie de ni thek ma cego nyingene.

Luka 1:53

Eyeng’o ju ma kec unegogi ku gin ma ber; Man eketho julonyo gidok mananu.

Luka 5:31

Man Yesu loko lembe ewacu igi kumae, Ju ma kumgi leng’ can jakeikum negogi ngo; ento ju ma kumgi lith re.

Luka 8:1

Man etimbre yo ku ng’eye nyanok, nia ecidho ku bang’ adhura ku pacu de, m’ebeyero m’ebekelo ko lembanyong’a ma juboth ko mi ker pa Mungu, karacelo kude de juapar wi ario,

Luka 8:10

Ewacu kumae, Emire iwu ya wung’ei giramung’a mi ker pa Mungu: ento ni dong’ dhanu ku lembabola; kara kadok gineno ku ginen, kadok giwinjo de ku ging’ei.

Luka 9:10

Ka jukwenda gidok, giyero ire gin ceke ma gitimo. Man ecokogi, ecoro kugi cen i adhura ma julwong’o Bethsaida.

Luka 9:12

Ceng’ udoko reto ma ng’ic; e juapar wi ario gibino, giwacu ire kumae, Lal udul dhanu woko, kara gicidh i pacu ma ceng’ni kud i thim de, gigonj, ginwang’ cam de: kum ka ma wani i ie e ng’om ngele.

Luka 9:2

Man eorogi gici giyer pi ker pa Mungu, man gikei kum ju ma kumgi lith.

Yohana 4:34

Yesu wacu igi kumae, Cemo para en e timo yeny ma i ng’atu m’uora yenyo, ku daru tic pare bende.

Yohana 6:37

Ceke ma Wego mio ira gibibino i bang’a: ng’atu m’ubino i bang’a de abibaye woko ki ngo.

Tic Mi Jukwenda 28:31

m’eyero ko pi ker pa Mungu, m’eponjo ko gin pi Rwoth Yesu Kristu ku tegocwinye ceke, ma ng’atu moko mbe de m’ucere.

Jurumi 10:14

E gibilund lwong’e nenedi ma fodi gikuyie ngo? man gibiyie nenedi ma fodi gikuwinje ngo? man gibiwinjo nenedi ma jayero mbe?

Jurumi 10:17

Kum kumeno yioyic uwok ni kum winjo, winjo ke ni kum lembe pa Kristu.

Jurumi 15:3

Kum Kristu bende nyayu mutoro i ie gire ngo; ento, calu egore kumae, Cac mi ju m’ucayu in upodho i wia.

2 Timoteo 4:2

yer lembe; tim tije i nindo ma juketho, kud i nindo ma juketho ngo bende; twiny twiny, juk juk, thok thok de, ku mwonyo lembe ceke ma jumwonyo hai man ku ponji de.

Juebrania 4:16

Ka kumeno dong’ wacoru ceng’ni kom mi bero ku tegocwiny, kara wajol kisa, man wanwang’ bero m’ukonywa i nindo ma can ni i kumwa