Luka 9:1 - The Holy Bible In Alur (Lur) Revised Orthography

¹ Elwong’o juapar wi ario karacelo, emio igi tego ku ng’ol wi pajogi ceke, man kum keyo tho m’unyang’ i kum,

Luka 9:1 ပူးပေါင်းရင်းမြစ်များ

Matayo 16:19

Abimio iri kifungula mi ker m’i polo: man gin ma tek ibitwio i ng’om ebibedo atwia i polo; man gin ma tek ibigonyo i ng’om ebigony i polo.

Matayo 4:24

E pire yik cil i Cami ceke: man gikelo dhanu ma kumgi lith ceke i bang’e, m’ubedo ku tho m’unyang’ i kum ma kwonde tung’ tung’ ku gin ma sendojo, ku weg pajogi, ku weg thimbu de, ku ju m’ubedo ku tho ma nego kum nding’; man ekeyo kumgi.

Matayo 8:9

Kum an bende an a ng’atu ma the ng’ol, man asikari de anuti kudo i tienda: e awacu ni ng’atu maeni kumae, Cidhi, e ecidho; man ni mange kumae, Bin, e ebino; man ni jamiru para kumae, Tim mae, e etimo.

Luka 10:1

Nie yo ng’ei gin maeni Rwoth uketho jumange pier abiro, eorogi ario ario i wang’e kubang’ adhura kubang’ adhura ceke, ka ma en gire eyenyo etund i ie.

Luka 10:19

Nen, amio iwu ng’ol ma wunyon ko thwol man ith, man wi tego ceke pa jakwor: gin moko de mbe ma bitimowu rac.

Yohana 14:12

Andhandha, awacu iwu kumae, Ng’atu m’uyio ira, tic m’atimo ebitimo bende; ebitimo tic ma sagu maeni de; kum acidho ba Wego.

Tic Mi Jukwenda 1:8

Ento wun wubinwang’u tego, nwang’u Tipo Maleng’ uwok i wiwu: man wubibedo jumulembe para i Yerusalem, man i Yahudi ngung’ ku Samaria de, man cil i tung’ ng’om bende.

Tic Mi Jukwenda 3:16

Man ni kum yic mi nyinge e nyinge dwoko ng’atuni tek, ma wuneno wung’eyo de: eyo, yioyic ma ni kume e m’uketho ng’atuni doko cu ma ndhu i vutwu ceke.

Tic Mi Jukwenda 4:30

kan irieyo cingi m’ikeyo ko tho; man kara giranyutha ku musana de timbre ni kum nying’ Jatic peri maleng’ Yesu.

Tic Mi Jukwenda 9:34

E Petro wacu ire kumae, Ainea, Yesu Kristu keyo kumi: ai malu, ipedh kavuto peri. E eai malu tho.