Luka 8:8 - The Holy Bible In Alur (Lur) Revised Orthography

⁸ Mange ke podho i ng’om ma mio, etwi de, man ecego nyinge, acel bang’ dak. Kan eyero gin maeni, ekok akoka kumae, Ng’atu ma ithe nuti m’ewinjo ko, wek ewinji.

Luka 8:8 ပူးပေါင်းရင်းမြစ်များ

Thangambere 26:12

E Isak ucoyo kodhi i ng’om maeno, man enwang’u i rundi nica cam acel bang’ dak: e Yehova mio mugisa ire.

Lembrieko 20:12

Ith ma winjo, man wang’ ma neno, Yehova timo gin ario de.

Lembrieko 8:1

Rieko bekok ungo, Man ng’eyothelembe bewodho dwande ngo?

Yeremia 13:15

Wuwinji, man wucik ithwu; kuhaya kud utimwu; kum Yehova yero.

Yeremia 25:4

Man Yehova oro jutic pare ceke ma jubila i beng’wu, m’eai pir man eorogi (ento wuwinjo ngo, kadi ithwu de wuciko ngo mi winjo),

Matayo 11:15

Ng’atu m’ubedo ku ithe m’ewinjo ko, wek ewinji.

Matayo 13:23

Man maeni ma jucoye i ng’om ma ber ke, maeni en e ng’atu m’uwinjo lembe, man eng’eye; m’ecego nyinge andha, ecego de, moko acel bang’ dak, moko acel bang’ pier abusiel, moko acel bang’ pier adek.

Marko 4:20

Ju maeni ke gi ju ma jucoyogi i ng’om ma ber; gi wagi ju m’uwinjo lembe, gijole de, man gicego nying’gi, acel bang’ pier adek, acel bang’ pier abusiel, acel bang’ dak.

Marko 4:23

Tek ng’atu moko ithe nuti m’ewinjo ko, wek ewinji.

Marko 4:8

Mange ke podho i ng’om ma ber, ecego nyinge de, edongo enyai de; man ecego nyinge, acel bang’ pier adek, man acel bang’ pier abusiel, man ke acel bang’ dak.

Marko 7:16

Ng’atu moko ma ithe nuti m’ewinjo ko, wek ewinji.

Luka 14:35

Eromo ngo ni ng’om kadi ni kaweyo de: jubaye woko. Ng’atu m’ubedo ku ithe m’ewinjo ko, wek ewinji.

Luka 8:15

Maeno m’i ng’om ma ber ke, joni gi calu ju m’uwinjo lembe i adunde ma ber ma cu de, ma ka giwinjo lembe, gimoko kume ki, man gicego nying’gi ku twiocwiny.

Luka 8:7

Mange ke podho kind ukudho; ukudho de dongo karacelo kude, edeye de.

Juefeso 2:10

Kum wan wa bodho pare, ma jucwiowa i Kristu Yesu pi tic ma ber, ma Mungu lar uyiko kara wawoth i igi.

Jukolosai 1:10

kara wuwoth calu m’uromo ku Rwoth ma wubenyayu ko mutoro kwa, ku cego nyingwu i tic ma ber ceke kubang’gi kubang’gi, ku teng’ni i ng’eyong’ec pa Mungu;

Lembanyutha 13:9

Ng’atu ma tek ithe nuti, dong’ ewinji.

Lembanyutha 2:11

Ng’atu ma ithe nuti, dong’ ewinj lembe ma Tipo yero ni kanisa. Ng’atu m’uloyo ebinwang’u remo mi tho mir arionde ngo.

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 3:13

Ng’atu ma ithe nuti, dong’ ewinj gin ma Tipo wacu ni kanisa.

Lembanyutha 3:6

Ng’atu ma ithe nuti, dong’ ewinj gin ma Tipo wacu ni kanisa.