Luka 8:43 - The Holy Bible In Alur (Lur) Revised Orthography

⁴³ Dhaku m’ubedo rundi apar wi ario ku tho ma rimo mol ko dit i kume, m’emio ceke m’etungre kudo ba jukeikum, man acel de mbe ma copo keyo kume,

Luka 8:43 ပူးပေါင်းရင်းမြစ်များ

2 Lemkei 16:12

Man i rundi pier adek wi abung’wende mi camuker pare tho wok i tiend Asa; tho pare dit apila: ento i tho pare eyenyo Yehova ngo ento ba jukeikum.

Kitabu Pa Yob 13:4

Ento wun wu jukieu lemndra; Wun ceke wu weg yath ma kabeng’wu mbe.

Zaburi 108:12

Mi kony iwa kum jasend; Kum kony mi dhanu en e mananu.

Isaya 2:22

Wuwek dhanu, ma yuyo pare ni i odiume; kum jukwane ni gin moko ni kum ang’o?

Marko 12:44

kum gin ceke gibolo i ie kum sagri migi; ento en kum canpiny pare ebolo i ie ceke m’ebedo ko, ma en e ceke m’etungre kudo.

Marko 9:18

man ka ma tek tipo te re i ie ceke, eredhe piny: voyo de dhure i dhoge, man ekayu lake, emoge de: e awacu ni julubni ya giwodhe woko; e ecopre igi ngo.

Luka 13:11

Nen, dhaku nuti m’ubedo ku tipo mi mulima rundi apar wi abora; edole ngur, ecopo twinjre malu ngo.

Luka 13:16

Man emaku ngo nia dhaku mae, m’e nyar Ibrahim, ma Jok utwie, rundi apar wi abora, ugonjre kud i twic maeni i ceng’ sabatu?

Luka 8:27

Kan eloro dhu wath, ng’atu acel m’uai i adhura, m’e won pajogi girombo gikugi; man nindo dupa ekendo bongu ngo, ebedo i ot de ngo, ento i odliel.

Luka 8:42

kum ebedo ku nyare acel kulong’, m’ucamu rundi calu apar wi ario, edhingo tho. Ento kan ebecidho udul dhanu gicungri i kume.

Luka 8:44

ebino yor i ng’eye, emulo dhu kendi pare: e pio pio dhu rimo m’umol i kume cok.

Yohana 9:1

Kan ebekadhu, eneno ng’atu ma wang’e cor ugambre i kanyol pare.

Yohana 9:21

ento maram eneno ko piny kawono, wang’eyo ngo; kadi nia ng’a m’uyabu wang’e de wang’eyo ngo: wupenje; wang’e teng’ni, ebiyero gire.

Tic Mi Jukwenda 3:2

E ng’atu moko ma en e jarabala kud i min, jubejuyeye ku ba rupiny ku ba rupiny jukethe dhugola mi hekalu ma julwong’o Leng’ kara ekwai giramia ba ju m’ucikumondo i hekalu;

Tic Mi Jukwenda 4:22

Kum ng’atu ma musana mi kum acanga timbre i kume, nwang’u rundi pare sagu pier ang’wen.