Luka 8:41 - The Holy Bible In Alur (Lur) Revised Orthography

⁴¹ Man nen, ng’atu ma nyinge Yairo, en de e jadit mi kacokri: epodho piny the tiend Yesu, ekwaye de ebin i ot pare;

Luka 8:41 ပူးပေါင်းရင်းမြစ်များ

Luka 13:14

E jadit mi kacokri, ma lembe ton i ie kum Yesu keyo kum i ceng’ sabatu, eloko lembe ewacu ni udul dhanu kumae, Ceng’ abusiel nuti ma maku dhanu tim ie tic: ka kumeno wubin i maeno man jukei kumwu, i ceng’ sabatu re ngo.

Luka 17:16

epodho arieba wang’e the tiende, ku mio ire foc: man e Jasamaria.

Luka 5:8

Ento ka Simon Petro neno, epodho the cong Yesu, ewacu kumae, Koiweka, e Rwoth; kum an a jadubo.

Luka 8:42

kum ebedo ku nyare acel kulong’, m’ucamu rundi calu apar wi ario, edhingo tho. Ento kan ebecidho udul dhanu gicungri i kume.

Luka 8:49

Kinde m’ebeyero, e ng’atu acel ubino m’uai ba ot pa jadit mi kacokri ewacu kumae, Nyeri tho ndhu; kud inyai can i Japonji.

Yohana 11:21

Marsa lund uwacu ni Yesu kumae, Rwoth tek ande ini keni, kuno di umira tho ngo.

Tic Mi Jukwenda 13:15

E yo ng’ei somo cik ku jubila judongo mi kacokri gioro lembe i bang’gi, giwacu kumae, Umego, tek wubedo ku lembe moko mi juk ni dhanu, wuwaci.

Tic Mi Jukwenda 18:17

E kagi ceke gidong’ gimaku Sosthene, e jadit mi kacokri, e gifode nyim kom mi pokolembe. E Galio oyo lembene ku die ng’eye.

Tic Mi Jukwenda 18:8

Man Krispo, ma jadit mi kacokri, uyio Rwoth ku juode ceke; Jukorinto de dupa ka giwinjo giyio, e jumio igi baputisi.

Tic Mi Jukwenda 9:38

Nwang’u Luda bedo kpengle ku Yopa, e julubne, ka giwinjo nia Petro ni keca, gioro dhanu ario i bang’e, gikwaye kumae, Kud igal ku bino i bang’wa.

Lembanyutha 5:8

Man kan edaru ting’o kitabune, e yedi ma kwo ang’wen ku judongo pier ario wi ang’wende gipodho piny wang’ Nyathi Rombo, ma adungu ni kubang’gi nzu, ku tabu mi mola ma kwar ma gin ma ng’wice ng’ar upong’ i ie, ma en e rwo mi jumaleng’.