Luka 8:25 - The Holy Bible In Alur (Lur) Revised Orthography

²⁵ Man ewacu igi kumae, Yioyic mu nikani? Man lworo makugi igi de wang’ lii, giwecri de kumae, Ka kumeno ng’atu maeni en e ng’a, m’eng’olo lembe cil ni yamu ku pi de, man giwore e?

Luka 8:25 ပူးပေါင်းရင်းမြစ်များ

Lembrieko 30:4

Ng’a m’uidho malu i polo, man eloro? Ng’a ma coko yamu i cinge? Ng’a ma twio pi i kendi pare? Ng’a ma ketho tung’ ng’om ceke cungo? Nyinge ng’a, man nying wode ng’a, tek ing’eyo?

Lembrieko 8:29

Kinde m’eguro kieu mi nam, Kara pi kud ukadh lembang’ola pare, Kinde m’eporo thepiny mi ng’om;

Matayo 14:31

E ndhu ndhu Yesu rieyo cinge, man emake, ewacu ire kumae, E in ma yioyic peri nok, cwinyi bedo jiji nedi?

Matayo 17:20

Man ewacu igi kumae, Kum yioyic mu bedo nok: kum awacu iwu andha kumae, Tek wubedo ku yioyic ma ro ku nying atingli, wubiwacu ni got maeni kumae, Ai kakeni ci kuca; e ebiai: gin moko mbe de ma bicopre iwu ngo.

Matayo 6:30

Ento tek Mungu ronyo lum m’i thim kumeno, ma nuti tin, man urwo de jubaye i mac, e ebironyowu ma sagu dit ungo, E wun ma yioyic mu noki?

Matayo 8:10

E ka Yesu winjo maeni, ie wang’ lii, ewacu de ni ju m’ulubo ng’eye kumae, Awacu iwu andha kumae, Fodi anwang’u yioyic ma rokeni ngi ngo, ungo, i Israel de ngo.

Matayo 8:26

Man ewacu igi kumae, Lworo benegowu nedi, wun ma wunok i yioyici? Elund eai malu, man ejuko yamu ku nam; e piny ucungo ndhu ti.

Marko 4:35

Ceng’ nica, ka piny udoko uthieno, ewacu igi kumae, Wakedhu lokaca.

Luka 12:28

Ento tek Mungu ronyo lum m’i thim kumeno, ma nuti tin, urwo de jubaye i mac; ebironyowu dit ma sagu ngo, E wun ma yioyic mu noki?

Luka 8:24

Man gibino i bang’e, gicewe de, giwacu kumae, Japonji, japonji, watho. E eceu, man ejuko yamu ku ngongo mi pi de: e gicungo, nam de nindo seble.

Luka 8:26

E gitundo i ng’om Jugadareni, m’ubedo ng’et ng’om Galilaya.

Yohana 11:40

Yesu wacu ire kumae, Awacu iri ngo, nia, tek iyio, ibineno dwong’ pa Mungu?