Luka 8:2 - The Holy Bible In Alur (Lur) Revised Orthography

² ku mon moko ma jukeyo kumgi kum tipo ma rac ku mulima bende: Mariamu ma julwong’o Magdalene, ma juwcdho pajogi abiro kud i ie,

Luka 8:2 ပူးပေါင်းရင်းမြစ်များ

Matayo 4:24

E pire yik cil i Cami ceke: man gikelo dhanu ma kumgi lith ceke i bang’e, m’ubedo ku tho m’unyang’ i kum ma kwonde tung’ tung’ ku gin ma sendojo, ku weg pajogi, ku weg thimbu de, ku ju m’ubedo ku tho ma nego kum nding’; man ekeyo kumgi.

Marko 16:1

E ka ceng’ sabatu kadhu, Mariamu Magdalene, giku Mariamu ma min Yakobo, man Salome, ging’iewo udok ma ng’wice ng’ar, kara gibin giwire ko.

Marko 16:9

Nie kan ecer pir kugweno i ceng’ ma kwong’a ma yenga elar enyuthre ni Mariamu Magdalene, ma yang’ ewodho pajogi abiro i ie.

Luka 23:27

E udul dhanu ma dit ulubo ng’eye, ku mon m’ugoyo nduru m’uywak de i kume.

Luka 23:49

E dhanu ceke ma ging’io kugi, ku mon m’ulubo ng’eye kud i Galilaya, gicungo ku cen, gineno gin maeni.

Luka 23:55

E mon, m’ubino kugi kud i Galilaya, gilubo ng’eye, man gineno liel ma juroko i cana, man maram juketho ko avuje.

Luka 8:30

Yesu penje kumae, Nyingi ng’a? Man ewacu kumae, Nyinga Udul; kum pajogi dupa mondo i ie.

Yohana 19:25

Asikari gilund gitimo gin maeni. Ento min mire cungo the yen m’athara pa Yesu, ku nyamin min de, ma Mariamu ma ci Klopa, giku Mariamu ma Magdalene.

Tic Mi Jukwenda 1:14

Joni ceke gibedo ru kum rwo ku cwinygi m’uripo acel, karacelo ku mon, man Mariamu ma min Yesu, ku utumin mire de.