Luka 8:15 - The Holy Bible In Alur (Lur) Revised Orthography

¹⁵ Maeno m’i ng’om ma ber ke, joni gi calu ju m’uwinjo lembe i adunde ma ber ma cu de, ma ka giwinjo lembe, gimoko kume ki, man gicego nying’gi ku twiocwiny.

Luka 8:15 ပူးပေါင်းရင်းမြစ်များ

Juebrania 10:36

Kum can twiocwiny ubenegowu, kara, wun ma wudaru timo yeny ma Mungu yenyo, wujol lembang’olane.

Luka 6:45

Ng’atu ma ber kud i piny pare m’akana ma ber mir adunde ewodho maeno m’e ber; ng’atu ma rac de kud i piny pare m’akana ma rac ewodho maeno m’e rac: kum kud i sagri ma dit mir adunde dhoge yero.

1 Yohana 2:3

Man kum maeni wang’eyo nia wang’eye, tek waworo cik pare.

Jukolosai 1:10

kara wuwoth calu m’uromo ku Rwoth ma wubenyayu ko mutoro kwa, ku cego nyingwu i tic ma ber ceke kubang’gi kubang’gi, ku teng’ni i ng’eyong’ec pa Mungu;

Jukolosai 1:6

m’uwok i beng’wu: cil calu ebedo i ng’om ceke bende m’ecego nyinge man ecikumedre, calu ma i iwu bende, ugambre i ceng’ ma wuwinjo wung’eyo de bero pa Mungu i lemandha;

Yohana 14:15

Tek wumara wubiworo cik para.

Luka 11:28

Ento ewacu kumae, Ma sagu, mugisa ni ju m’uwinjo lem pa Mungu, m’uwore de.

Jufilipi 1:11

ma nying’ bedopwe, ma ni kum Yesu Kristu, e m’uyeng’wu, ni dwong’ pa Mungu ku pak ma jupake ko.

Jurumi 7:4

Kum kumeno, juwada, wun bende juketho wutho ni cik ni kum kum Kristu; kara wugom ng’atu mange, ma en e ng’atu ma juting’e ku kind ju m’utho, kara waceg nyingwa ni Mungu.

Jurumi 6:22

Ento kawono ma dong’ jugonyowu ni dubo man wudoko jutic pa Mungu, e wubedo ku nyingwu ni dwokrileng’, man kajikne kwo ma rondo ku rondo.

Yohana 15:10

Tek wuworo cik para, wubibedo i mema; cil calu aworo cik pa Vwa, abedo de i merne.

Matayo 24:13

Ento ng’atu ma biciro cil i kajikne, ng’atuno biboth.

Poi Mi Cik 30:6

E Yehova Mungu perf bitimo yaa kum adundeni, man kum adunde kodhini, kara imar Yehova Mungu peri kud adundeni ceke, man ku ng’eyong’ec peri ceke, kara ibed kwo.

Juebrania 2:1

Ka kumeno maku waketh cwinywa ma sagu kum lembe m’uwinjre, kara wiwa kud uwil i kume.

Juefeso 2:8

kum wuboth ku bero ni kum yioyic; man maeno ai i beng’wu giwu ngo, en e giramia pa Mungu;

1 Jukorinto 7:19

Yaa en e gin moko ngo, yaango de en e gin moko ngo; ento woro lembang’ola pa Mungu re.

Jurumi 7:18

Kum ang’eyo nia i ia, lembene kumae, i kuma, gin moko m’ubedo ber umbe: kum yeny ma ia yenyo nia atim ko ber nuti kuda, ento tim ma nia atime kudo mbe.

Jurumi 2:7

ni ju ma ni kum twiocwiny i timober giyenyo dwong’ ku yung man nyothri ngo, kwo ma rondo ku rondo:

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Yakobo 1:4

Man wek twiocwiny ubed ku tic pare ma ndhu cu, kara wubed ndhu cu man dho de, ma wurem i gin moko ngo.

Yeremia 32:29

man Jukaldayo, m’ukiedo kum adhura maeni, gibibino man gibicwinyo adhura maeni ku mac, man gibiwang’e, karacelo ku udi ma githiero udok ma ng’wice ng’ar ni Bal i wie, man ma gikonjo lam m’amadha ni mungu mange i wie, kara unyai ng’ecwiny i ia.

Yeremia 15:16

Junwang’u lembe peri, man acamugi; e lembe peri bedo ni mutoro man ni anyong’a mir adundena: kum julwong’a ku nyingi, E Yehova, Mungu mir udul.

Lembrieko 3:1

Woda, wii kud uwil kum cik para; Ento wek adundeni wor lembang’ola para:

Zaburi 119:11

Akanu lembe peri i adundena, Kara kud adub iri.

Zaburi 51:10

Cwi adunde ma leng’ yor i ia, E Mu ngu; Man idwok cwinya nyen atira yor i ia.

Luka 8:14

Maeno m’upodho kind ukudho ke, maeni ju m’uwinjo, e ka gicidho i yo migi gideiri ku giki m’i ng’om ku lonyo man mutoro mi kwo maeni, e gicego nying’gi moko ngo ma cu.

Luka 8:16

Ng’atu moko mbe, ma kan ecwinyo thala, eume kud agulu, kadi ekethe the kavuto; ento ekethe wi thethala, kara ju m’umondo ginen der.

Jurumi 8:25

Ento tek wageno gin ma waneno ngo, e walund wakure ku twiocwiny.