Luka 8:14 - The Holy Bible In Alur (Lur) Revised Orthography

¹⁴ Maeno m’upodho kind ukudho ke, maeni ju m’uwinjo, e ka gicidho i yo migi gideiri ku giki m’i ng’om ku lonyo man mutoro mi kwo maeni, e gicego nying’gi moko ngo ma cu.

Luka 8:14 ပူးပေါင်းရင်းမြစ်များ

Matayo 13:22

E maeni ma jucoyo kind ukudho, maeni en e ng’atu m’uwinjo lembe; e giki m’i ng’om, kud awondi mi lonyo, gideyo lembene, e ecego nyinge ngo.

Marko 4:19

e pidoic mi giki mi ng’om, kud awondi mi lonyo, kud awanya ma rac mi gin mange m’umondo i igi, gideyo lembene, man ecego nyinge ngo.

Luka 16:13

Jatic umbe ma copo timo ni judongo ario: kum kadi ebidagu acel, ebimaru mucelo; kadi ebimoko bang’ acel, man ebicayu mucelo. Wucopo timo ni Mungu ku lonyo de ngo.

Luka 21:34

Ento wubed ku weng’wu giwu, kara adundewu kud ucid ku giracama, ku mer kong’o, man ku giki mi bedo maeni, e ceng’ maeno bino i kumwu pio pio pamir uwic:

Luka 8:13

Ju ma wi cana ke, gi ju ma ka giwinjo, gijolo lembe ku mutoro; maeni de ulaggi mbe kugi, ma giyio mi nindo ma nyanok, i nindo mir abidhe de gikier.

Luka 8:15

Maeno m’i ng’om ma ber ke, joni gi calu ju m’uwinjo lembe i adunde ma ber ma cu de, ma ka giwinjo lembe, gimoko kume ki, man gicego nying’gi ku twiocwiny.

Luka 8:7

Mange ke podho kind ukudho; ukudho de dongo karacelo kude, edeye de.

Yohana 15:6

Tek ng’atu moko bedo i ia ngo, jubaye woko calu jange, ener de; e jucokogi, jubologi de i mac, man giwang’.

1 Timoteo 6:17

Ng’ol ni ju ma gi julonyo i ng’om maeni ma kawono, kara pidoigi kud ubed dit, kadi ku giketh genogen migi kum lonyo ma kare kadhu, ento kum Mungu re, m’emio iwa gin ceke ku berocwinye ni mutoro mwa;

2 Timoteo 4:10

kum Dema weka, m’emaru ng’om maeni ma kawono, man ecidho Tesaloniki; Kreske de cidho Galatia, Tito ke Dalmatia.

Juebrania 6:1

Kum kumeno wan ma waweko ponji ma kwong’a pa Kristu dong’ waewala ni dokocu ma ndhu; ma watheko ko the lokocwiny ma waweko ko tic m’utho kendo ngo, ku mi yioyic ma yo ba Mungu de,