Luka 7:47 - The Holy Bible In Alur (Lur) Revised Orthography

⁴⁷ Kum kumeno awacu iri kumae, Dubo pare, m’ubedo dupa, uwekre woko; kum emaru dit: ento ng’atu ma juweko ire nyanok, ng’atuno maru nyanok.

Luka 7:47 ပူးပေါင်းရင်းမြစ်များ

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Ezekiel 16:63

kara ipoi, man cwinyi ng’abre, man kara kud iyab dhogi kendo ki, kum lewic peri, kinde m’aweko iri gin ceke m’itimo, Rwoth Yehova wacu.

Mika 7:19

Ngisi binege kendo i kumwa; ebinyono kier mwa the tielo; man ibibayu dubo migi ceke i thuth mi nam.

Matayo 10:37

Ng’atu m’umaru won kadi min ma sagu an eromo kuda ngo; ng’atu m’umaru wode kadi nyare de ma sagu an eromo kuda ngo.

Luka 7:39

Nie ka Jafarisayo m’ulwong’e neno maeni, eyero kud i ie, ewacu kumae, Ng’atu maeni, tek en e jabila, kuno di eng’eyo nia dhaku maeni en e ng’a en e ng’atu manedi m’umulo kume, nia en e jadubo.

Luka 7:46

Iwiro mo i wia ngo: ento ewiro tienda ku mo.

Luka 7:48

Ewacu ire kumae, Dubo peri wekre woko.

Tic Mi Jukwenda 5:31

En Mungu dode ku cinge ma yor acwic ya ebed Jaker ku Jalar, kara emi lokocwiny ni Israel, ku ruco dubo.

Jurumi 5:20

Man cik de bino umedo maeca, kara kier usagre; ento ka ma dubo sagre i ie, e bero sagre dit apila:

2 Jukorinto 5:14

Kum mer pa Kristu becwaluwa; kum wang’olo kumeni, ya acel utho pi ceke, ka kumeno ceke tho;

Jugalatia 5:6

Kum i Kristu Yesu yaa loko gin moko ngo, kadok yaango bende; ento yioyic re m’ubetimbre ni kum mer.

Juefeso 6:24

Bero bed ba ju m’umaru Rwoth Yesu Kristu mwa ceke ku mer ma nyothre ngo.

Jufilipi 1:9

Man aberwo, nia mer mu udkusagu asaga i ng’eyong’ec ku riu ceke;

1 Timoteo 1:14

e bero Rwoth mwa usagre dit apila ku yioyic man mer ma ni i Kristu Yesu.

1 Yohana 1:7

ento tek wawotho i der, calu en eni i der, nwang’u wabedo ku ripocwiny ma man ku wadi man ku wadi, man rimb Yesu ma Wode ubelonyowa ni dubo ceke.

1 Yohana 3:18

Nyithindho para ma thindho, ku wamar ku lembe, kadok ku dhok; endre ku tic man lemandha.

1 Yohana 4:19

Wamaru, kum elar emaruwa.

1 Yohana 5:3

Kum maeni en e mer pa Mungu, nia wawor cik pare: man cik pare gi pek ungo.