Luka 7:22 - The Holy Bible In Alur (Lur) Revised Orthography

²² Edwoko lembe ewacu igi kumae, Wuciyer ni Yohana pi gin ma wuneno ma wuwinjo de; abinga neno piny, weg abala mi tielo de giwotho, weg joi kumgi doko leng’, ju ma ithgi dhing’ de giwinjo, ju m’utho ndhu de gicer, lembanyong’a ma juboth ko de y ere ni jucan.

Luka 7:22 ပူးပေါင်းရင်းမြစ်များ

Kitabu Pa Yob 29:15

Abedo wang’ ni abinga, Man abedo tielo ni won abala.

Zaburi 146:8

Yehova yabu wang’ abinga; Yehova ting’o ju m’ugung’ piny; Yehova maru ju ma pwe;

Isaya 42:16

Man abikelo abinga kud i yo ma ging’eyo ngo; abipeyogi i yo ma ging’eyo ngo; abidwoko mudho ni der i wang’gi, man abitiro ka m’ugondre. Abitimo gin maeni, man abikunogi ngo.

Isaya 43:8

Wuwodh ju m’abinga ma wang’gi nuti, ku ju m’udhing’ ma ithgi nuti.

Yeremia 31:8

Nen, abigamugi kud i ng’om ma yor ariwa ma malu, man abicokogi kud i ng’et ng’om ma wi tung’, man karacelo kugi ju ma abinga ku weg abala, dhaku ma ku nyathin man dhaku ma ku remokum mi nyodo gikude: udul ma dit gibidwogo keni.

Zefania 3:12

Ento abiweko i kindi dhanu ma jucan ma jusendogi, man gibinwang’u gwok i nying’ Yehova.

Matayo 11:5

ju ma abinga maku nenopiny, weg abala bende gibewotho, weg joi de kumgi lony, ju ma ithgi dhing’ bende giwinjo, ju m’utho ndhu de gicer, jucan bende jubeyero igi lembanyong’a ma juboth ko.

Matayo 21:14

Ju ma abinga ku ju ma weg abala m’i tielo gibino i bang’e i hekalu; e ekeyo kumgi.

Luka 4:18

Tipo pa Rwoth ni i wia, Kum ewira kara ayer lembanyong’a ni jucan: Eora niyero pi gony ni ju ma juyakugi, Man pi dwoko nenopiny ni abinga, Nigonyo ju ma kumgi dhuth,

Luka 7:21

I saa maeno ekeyo tho dupa m’unyang’ i kum, ku thong’om man tipo ma rac; ju ma abinga dupa de eketho gineno piny.

Luka 7:23

Mugisa ni ng’atu m’unwang’u lembe moko ngo m’ekier i wie ni kuma.

Yohana 1:46

Nathanael uwacu ire kumae, Gin moko ma ber copo ai i Nazareti? Filipo wacu ire kumae, Bin inen.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Tic Mi Jukwenda 8:7

Kum tipo m’ucido ma ni ii dhanu dupa, giwok woko kud i igi, ma gikok akoka ku dwandgi ma tek: ju ma kumgi tho nding’ de dupa, ku weg abala mi tielo, kumgi kei.

Yakobo 2:5

Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?