Luka 7:16 - The Holy Bible In Alur (Lur) Revised Orthography

¹⁶ E lworo makugi kagi ceke: man giyungo Mungu, giwacu kumae, Jabila ma dit uwok i kindwa: man, Mungu liewo dhanu pare.

Luka 7:16 ပူးပေါင်းရင်းမြစ်များ

Zaburi 65:9

Iliewo ng’om, man ikwoyo wie pi, Idwoke mio hai; Kulo pa Mungu pong’ ku pi: Iketho cam uwok igi, kinde m’iyiko ng’om kumeni.

Ai 4:31

E dhanu giyio; e ka giwinjo nia Yehova liewo nyithindho mir Israel, man nia eneno masendi migi, gilund gikulo wigi e girwo.

Yeremia 33:9

E adhura maeni bibedo ira ni nying’ mi mutoro, ni pak man ni dwong’, i wang’ thek ceke m’i ng’om, ma biwinjo bero ceke m’atimo igi, man ma lworo binegogi, kumgi de bimiel kum bero ceke man kum kwiocwiny ceke m’aketho uwok ire.

Matayo 15:31

ketho udul dhanu igi wang’ lii, ka gineno ju ma ajuba weco, weg abala mi bot de titri, man weg abala mi tielo de wotho, ju ma abinga de neno piny: e giyungo Mungu pa Israel.

Matayo 21:11

Man udul dhanu giwacu kumae, Maeni en e jabila, Yesu, ma Nazareti mi Galilaya.

Matayo 28:8

E giai tho ku kum liel m’aroka i cana ku lworo man mutoro ma dit, e giringo gitero lembe ni julubne.

Matayo 9:8

Ento kan udul dhanu gineno maeni, lworo makugi, e giyungo Mungu, ma mio ng’ol ma kumeni ni dhanu.

Luka 1:65

E lworo maku dhanu ceke m’ubedo i vutgi: man lembe maeni ceke yik tir i ng’om gudi ceke mi Yahudi.

Luka 1:68

Mugisa ni Rwoth, Mungu pa Israel; Kum eliewo dhanu pare etimo war de igi,

Luka 19:44

man gibiredhi i ng’om, ku nyithindho peri ma ni ii; man gibiweko kidi acel de ngo wi wagi ii; kum ing’eyo ngo nindo mi lieu peri.

Luka 2:20

Jukwac gidok, ku yungo Mungu ku pake de pi gin ceke ma giwinjo ma gineno de, cil calu eyere igi.

Luka 24:19

Man ewacu igi kumae, E girang’o? Man giwacu ire kumae, Gin m’utimbre kum Yesu ma Janazareti, ma en e jabila ma tek i tic ku lembe de i wang’ Mungu i wang’ dhanu ceke bende:

Luka 5:26

Kagi ceke igi wang’ lii, man giyungo Mungu: lworo de negogi dwanya, giwacu kumae, Tinuni waneno gin ma tung’.

Luka 5:8

Ento ka Simon Petro neno, epodho the cong Yesu, ewacu kumae, Koiweka, e Rwoth; kum an a jadubo.

Luka 7:15

E ng’atu m’utho uai malu, ebedo wi there, emaku weco. Man emie ni min.

Luka 7:39

Nie ka Jafarisayo m’ulwong’e neno maeni, eyero kud i ie, ewacu kumae, Ng’atu maeni, tek en e jabila, kuno di eng’eyo nia dhaku maeni en e ng’a en e ng’atu manedi m’umulo kume, nia en e jadubo.

Luka 8:37

E dhanu ceke m’i ng’et ng’om Jugadareni gipenje ya eai woko kud i bang’gi; kum lworo benegogi dit: e emondo i yei, edok.

Luka 9:19

Giloko lembe giwacu kumae, Yohana ma Jabaputisi; jumange ke, Elia; jumange ke, nia ng’atu acel ma kind jubila ma con ucer en.

Yohana 1:21

Gipenje de kumae, Ka kumeno ang’o? In i Elia? E ewacu kumae, An a en ungo. Die in i jabila? Edwoko lembe kumae, Ungo.

Yohana 1:25

Gipenje de, man giwacu ire kumae, Ka kumeno tek in i Kristu ngo, kadok Elia de ngo, kadok jabila de ngo, imio baputisi nedi?

Yohana 4:19

Dhakune wacu ire kumae, Rwoth, aneno in i jabila.

Yohana 6:14

Nie ka dhanu neno giranyutha m’etimo, giwacu kumae, Maeni jabila andha m’ubebino i ng’om.

Yohana 9:17

Ka kumeno giwacu kendo ni ng’atu ma wang’e cor, Iwacu ang’o pire, ni weng’i m’eyabu? E ewacu kumae. En e jabila.

Tic Mi Jukwenda 5:5

E ka Anania winjo lembe nini epodho bir e cwinye kadhu ndhu; man lworo ma dit apila podho wi dhanu ceke ma giwinjo maeni.

Tic Mi Jukwenda 7:37

En e Musa maeno m’ewacu ni nyithindho pa Israel kumae, Mungu biting’o iwu jabila kud i kind juwedu, ma calu an.

Jugalatia 1:24

e gifoyo Mungu i kuma.

Poi Mi Cik 18:15

Yehova Mungu peri biting’o jabila iri kud i kindi, mi utumeru, ma calu an; wubiwinjo dwande;