Luka 7:14 - The Holy Bible In Alur (Lur) Revised Orthography

¹⁴ Man ecoro ceng’ni emulo kika de: e ju m’uyeye gicungo gr. Man ewacu kumae, Jalawobi, awacu iri, Ai malu.

Luka 7:14 ပူးပေါင်းရင်းမြစ်များ

1 Ubimo 17:21

Man eriebre gire wi nyathin wang’ adek, e elwong’o Yehova, ewacu de kumae, E Yehova Mungu para, akwei, wek ng’eyong’ec pa nyathin maeni dwog i ie kendo.

1 Ubimo 17:22

E Yehova winjo badwand Elia; man ng’eyong’ec pa nyathinne dwogo i ie kendo, man ecer.

Kitabu Pa Yob 14:12

E dhanu vuto piny kumeca man eai ungo: Maram polo bedo umbe kendo, gibiceu ungo, Kadi jubicewogi de ngo ku wang’ nindo migi.

Kitabu Pa Yob 14:14

Tek dhanu tho, ebikwo kendo? Kuno di akuro nindo ceke mir ali para, Maram gony para wok ko.

Zaburi 33:9

Kum eweco, man etimbre; Eng’olo, man ecungo ki.

Isaya 26:19

Avu peri bibedo kwo; avu para gibicer. Wuceu man wuwer wer, wu ju m’ubedo i utur; kum thoi peri en e calu thoi mir uboko, e ng’om biwodho avu.

Marko 5:41

Emaku nyathin ku cinge, ewacu ire kumae, Talitha kumi; thelembene, ka juloke edoko kumae, Nyane awacu iri kumae, Ai malu.

Luka 7:13

Ka Rwoth unene, ngisi nege i kume, man ewacu ire kumae, Kud iywaki.

Luka 7:15

E ng’atu m’utho uai malu, ebedo wi there, emaku weco. Man emie ni min.

Luka 7:17

Rwonglembe maeni yik pire i Yahudi ngung’, man i ng’om ceke ma ceng’ni.

Yohana 11:25

Yesu wacu ire kumae, An a cer, ku kwo de: ng’atu m’uyio ira kadok etho ento ebibedo kwo;

Yohana 5:21

Kum calu Wego ting’o ju m’utho, man emio igi kwo, e Wod bende mio kwo ni ju m’eyenyo kumeno.

Yohana 5:25

Andhandha awacu iwu kumae, Saa bebino, man enuti kawono, ma ju m’utho biwinjo ie dwand Wod Mungu; man ju m’uwinjo gibibedo kwo.

Jurumi 4:17

(calu egore kumae, Aketho ibed wego mi thek dupa) i wang’e en m’eyio, en e Mungu, m’emio kwo ni ju m’utho, man elwong’o gin m’umbe, calu ginuti.

Juefeso 5:12

kum en e lewic niweco pi gin m’utimbre ni kumgi ling’.