Luka 7:12 - The Holy Bible In Alur (Lur) Revised Orthography

¹² Nie kan ewok ceng’ni dhugang’ mir adhura, nen, juyeyo avu dhanu, en e wod min kulong’, en de e dhaku ma cware tho: man dhanu dupa mir adhura ginuti gikugi.

Luka 7:12 ပူးပေါင်းရင်းမြစ်များ

Thangambere 22:12

E ewacu kumae, Kud iketh cingi kum nyathin, kadi gin moko de kud itim i kume; kum kawono ang’eyo nia ilworo Mungu, kum ikwero wodi ngo ira, wodi kulong’.

Thangambere 22:2

Man ewacu kumae, Kawono gam wodi, wodi kulong’, m’imare, en e Isak, man icidh i ng’om Moria; man ithiere keca ni lam m’awang’a wi got moko m’abiyero pire iri.

2 Samwil 14:7

Man, nen, wat ceke giai kum bong’ peri, man giwacu kumae, Mi ng’atu m’ugoyo umin mire, kara wanege pir umin mire m’enego, man nia ginyoth jacam pacu bende kumeca. E kumeno gibinego cukmac para m’udong’, man gibiweko nying’ ungo ni cwara, kadok donge m’udong’ i wang’ ng’om.

1 Ubimo 17:12

Man ewacu kumae, Calu Yehova Mungu peri bedo kwo, kwen m’apada mbe kuda, ndhu mogo ma theng’ cing’ i agulu, ku nyathi mo i cupa: man, nen, abekwanyu ridi ario, kara amond atede ira waku woda, kara wacame, e watho.

1 Ubimo 17:18

Man ewacu ni Elia kumae, Wabedo ku lembang’o wakudi, E in m’i dhanu pa Mungu? ibino i bang’a kara jupoi kum dubo para, man kara ineg woda!

1 Ubimo 17:23

E Elia ting’o nyathin, man ekele piny ku i kusika etere i ot, man emie ba min mire; e Elia wacu kumae, Nen, wodi bedo kwo.

1 Ubimo 17:9

Ai, icidh Zarefath, ma en e pa Sidon, man ibed kuca: nen, ang’olo ni dhaku ma cware tho kuca nia egwoki.

2 Ubimo 4:16

Man ewacu kumae, Kar unyoni, kinde ma nindo romo, ibigwaku nyathin ma nico. Man ewacu kumae, Ungo, rwoth para, in i dhanu pa Mungu, kud icwai ndra ni bong’ peri.

2 Ubimo 4:20

Man kinde m’eting’e, man etere ba min, ebedo wi bambe maram dieceng’ uwok ko, e elund etho.

Kitabu Pa Yob 29:13

Mugisa pa ng’atu ma ceng’ni rwinyo bino i wia; Man aketho cwiny dhaku ma cware tho wer ni anyong’a.

Zekaria 12:10

Man abikonjo tipo mi bero ku kwac wi ot pa Daudi, man wi ju m’ubedo i Yerusalem; man gibineno i bang’a ma gicobo; e gibiywak pire, calu ng’atu ma ywak pi wode ma kulong’, man can binegogi pire, calu ng’atu ma can nego pi kayu pare.

Luka 7:11

Man etimbre yo ku ng’ei maeni nyanok, nia ecidho bang’ adhura ma julwong’o Nain; julubne gicidho gikugi, kud udul dhanu ma dit.

Luka 7:13

Ka Rwoth unene, ngisi nege i kume, man ewacu ire kumae, Kud iywaki.

Luka 8:42

kum ebedo ku nyare acel kulong’, m’ucamu rundi calu apar wi ario, edhingo tho. Ento kan ebecidho udul dhanu gicungri i kume.

Luka 8:52

Dhanu ceke giywak, gigoyo nduru i kume: ento ewacu kumae, Kud wuywaki: kum etho ngo, ento enindo.

Yohana 11:19

dhanu mi Juyahudi de dupa gibino ba Marsa giku Mariamu, kara gijukgi pir umeggi.

Tic Mi Jukwenda 9:39

E Petro ai malu gicidho gikugi de. E kan ewok, gitere i ot ma malu: man mon ma coggi tho ceke gicoro i vute gibeywak, gibenyutho ko kanzu ku kendi de ma Dorka ubedukwoyo ma fodi enuti i bang’gi.

Tic Mi Jukwenda 9:41

Man emio ire cinge, eting’e ko malu; e elwong’o jumaleng’ ku mon ma coggi tho de, man ethiere m’e kwo.

Yakobo 1:27

Kisoma m’alili ma cido de ngo i wang’ Mungu mwa ma Wegwa e ee, ya julieu kic ku mon ma coggi tho i can migi, man ke gwok ma jugwokri ko gijo ni ng’om ma jukuvukri ngo.