Luka 6:7 - The Holy Bible In Alur (Lur) Revised Orthography

⁷ E jugorcik ku Jufarisayo de gilibe, tek ebikeyo kum ceng’ sabatu; kara ginwang’ maram gidote ko.

Luka 6:7 ပူးပေါင်းရင်းမြစ်များ

Zaburi 38:12

Ju m’uyenyo kwo para bende giciko uwic ira; Man ju m’uyenyo gitima rac giweco lem ma rac, Man igi pido lembabombi ceng’ du.

Isaya 29:21

ma dwoko dhanu ni jadubo i lembe pare, man ma ketho uwic ni ng’atu m’ujuko i dhugang’ de, man ma loko won bedopwe cen ku gin mananu.

Yeremia 20:10

Kum awinjo yeronying’ mi dhanu dupa, ndiri ni kun ku kun. Jurimba ceke ma ceng’ni, gi ju m’ukuro kier para, giwacu kumae, Dote, e wabidote, kuno nyo ebiyio iwa, e wabisage, man wabiculo kwor mwa i kume.

Matayo 5:39

ento awacu iwu kumae, Kud wudhunj ni ng’atu ma rac: ento ng’atu ma tek upadu thengi ma yor acwic, lok ire ma yo kucel bende.

Marko 3:2

E gikie, tek ebicange i ceng’ sabatu: kara gidote.

Luka 13:14

E jadit mi kacokri, ma lembe ton i ie kum Yesu keyo kum i ceng’ sabatu, eloko lembe ewacu ni udul dhanu kumae, Ceng’ abusiel nuti ma maku dhanu tim ie tic: ka kumeno wubin i maeno man jukei kumwu, i ceng’ sabatu re ngo.

Luka 20:20

E gioro julib de i bang’e, ma gipali gigi nia gi pwe, kara gimak lembe m’i dhoge, kara gimie ni tego ku ng’ol pa jabim.

Yohana 9:16

Ka kumeno jumoko ma kind Jufarisayo giwacu kumae, Ng’atuni ai ba Mungu ngo, kum ekwiro ceng’ sabatu ngo. Ento jumoko wacu kumae, Ng’atu ma jadubo copo timo giranyutha ma kumeni nenedi? E pokri ni i kindgi.