Wulok piny ma wubedo ko, man wumi giramia ni jucan; wukwoi gbethe ma biti ngo iwu giwu, piny m’akana ma thum ungo i polo, ka ma jakwo tundo ceng’ni i ie ngo, kadok ukoko de nyotho ngo i ie.
E ka Yesu winjo maeni, ewacu ire kumae, Lembe acel nuti m’irem i ie: lok gin ceke m’ibedo ko, pok ni jucan, e ibibedo ku piny m’akana i polo: man ibin, ilub ng’eya.
wumi, e ka jubimio iwu; mukero ma ber, ma jucung’o ie, ma juyenge de, ma jukonjo pong’ hau, gibimio i korwu. Kum ku mukero ma wuporo ko jubiporo ko iwu bende.
I gin ceke amio iwu por, nia ku tic ma wumulu ko kumeni maku wukony ju ma ng’ic, wupoi de kum lembe pa Rwoth Yesu, nia ewacu en kumae, Mio en e mugisa ma sagu gamu.
Dong’ ng’atu ma kwalu kud ekwai kendo: ento ma sagu dong’ etim tic, m’etimo ku cinge gin maeno ma dre, kara ebed ku gin m’emi ni ng’atu ma canpiny ni i kume.