Luka 6:29 - The Holy Bible In Alur (Lur) Revised Orthography

²⁹ Ng’atu m’upadu thengi acel lok kurucel bende; ng’atu m’umayu jabia peri mi ire semisi peri bende.

Luka 6:29 ပူးပေါင်းရင်းမြစ်များ

Juebrania 10:34

Kum ngisi negowu kum ju ma gini i kol, man wuyio ku mutoro yak ma juyaku ko piny mu, ma wung’eyo ko nia wubedo ku jukupiny iwu giwu ma ber m’usagu ma kajikne de mbe.

2 Jukorinto 11:20

Kum wutwio cwinywu kum ng’atu moko, tek ekelowu ni ng’eca, tek ecamuwu, tek eyakuwu de, tek eyungre gire, tek epadu weng’wu de.

1 Jukorinto 6:7

Eyo, kawono lembe rocre iwu dit, ma ng’atuman bedo ku lem titi i kindgi giku wadi e. Esagu ngo ya wucir gin ma rac ma jutimo i kumwu? esagu ngo ya wuyi juvugwu?

Yohana 18:22

E kan edaru yero maeni, ng’atu acel m’i kind asikari m’ucungo keca epadu Yesu ku cinge, ewacu kumae, Iloko lembe kumeno ni jalam ma diti?

Matayo 26:67

E gimaku ng’ulo lau i wang’e gipade de ku diecing’gi,

Ywak 3:30

Wek emi limbe ni ng’atu m’ugoye; wek epong’ ku cac.

Isaya 50:6

Amio ng’eya ni jugoc, man limba ni jufudh yir; apanu wang’a ngo ni lewic ku ng’ulo lau.

1 Jukorinto 4:11

Cil i saa ma kawono nini kec ubenegowa, ku rieu bende, man muneru, man jubesendowa, man ke kabedo mwa ma dire mbe;

Luka 22:64

Man gitwio wang’e ku kitambala, e gipenje, giwacu kumae, Cu: ng’a m’ucwenyi?

Tic Mi Jukwenda 23:2

E jalam ma dit ma nyinge Anania ng’olo ni ju m’ucungo ceng’ni ya gipad dhoge.

Mika 5:1

Kawono ibicokri giri ni njuru, E nya njuru: etiekowa kud ali; gibigoyo japoklembe mir Israel ku dul i limbe.

2 Lemkei 18:23

Zedekia ma wod Kenana lund ucoro ceng’ni, man epadu Mikaya i limbe, man ewacu kumae, Tipo pa Yehova cidho yo kani m’eai ko i bang’a kara ewec i beng’i?

2 Samwil 19:30

Man Mefiboceth uwacu ni ubimo kumae, Eyo wek egam ceke kum rwoth para m’ubimo dwogo ma cwinye kwio i ot pare ma dhe.

Luka 6:30

Mi ni dhanu ceke m’ukwei; ng’atu m’umayu piny peri de kud ilwong’ kendo.