Luka 6:23 - The Holy Bible In Alur (Lur) Revised Orthography

²³ Anyong’a negwu i ceng’ maeno, wupor malu de ni mutoro: kum nen, sukulia mu dit i polo; kum kwaru migi timo kumeno ba jubila.

Luka 6:23 ပူးပေါင်းရင်းမြစ်များ

2 Samwil 6:16

Man ebedo kumeno, kinde ma sanduk pa Yehova tundo i adhura pa Daudi, nia Mikal ma nya Saul uneno yo woko ku wang’ot, man eneno ubimo ma Daudi bepor malu man ebemiel i wang’ Yehova: e ecaye ku yor i adundene.

1 Ubimo 18:4

kum ebedo kumeno, kinde ma Yezebel ukabu jubila pa Yehova woko, nia Obadia gamu jubila dak acel, man ekanugi pier abic pier abic i odng’om, man emio igi kwen ku pi.)

1 Ubimo 19:10

E ewacu kumae, Ngiri nega dit pi Yehova, Mungu mir udul; kum nyithindho mir Israel giweko lembariba peri, gimugo pemblam peri piny, man ginego jubila peri ku palamularu: man an, ndhu an a kenda e m’udong’; e gibeyenyo kwo para, kara gikabe woko.

1 Ubimo 19:14

E ewacu kumae, Abedo ku ngiri ma dit pi Yehova, Mungu mir udul; kum nyithindho mir Israel giweko lembariba peri, gimugo pemblam peri, man ginego jubila peri ku palamularu; e an, ndhu an a kenda, e m’adong’; man giyenyo kwo para, kara gikabe woko.

1 Ubimo 19:2

Yezebel ulund uoro jakwenda bang’ Elia, ewacu kumae, Dong’ mungu tim kumeni i bang’a, man mange bende, tek aketho kwo peri bedo ngo calu kwo pa ng’atu acel m’i kindgi urwo unyoni.

1 Ubimo 21:20

E Ahab uwacu ni Elia kumae, Inwang’a, E jadegi para? Man eloko lembe kumae, Anweng’i, kum ing’ieuri giri kara itim gin ma rac i wang’ Yehova.

1 Ubimo 22:27

man wuwac kumae, Ubimo wacu kumae, Wuketh janduni i kol, man wumi ire kwen mi masendi ku pi mi masendi, cil m’abino ko ku kwiocwiny.

1 Ubimo 22:8

Man ubimo mir Israel uwacu ni Yehocafat kumae, Fodi ng’atu acel nuti ma wacopo penjo lembe ba Yehova ni kume, en e Mikaya ma wod Imla: ento adage; kum eewo lembe ber pira ngo, ento rac. Man Yehocafat uwacu kumae, Dong’ ubimo kud uwac kumeno.

2 Ubimo 6:31

Elund ewacu kumae, Mungu tim kumeni i kuma, man mange bende, tek wi Elica ma wod Cafat ucungo i kume tin.

2 Lemkei 36:16

ento gicayu jukwenda pa Mungu, man gipiemo lembe pare, gitimo co de ni jubila pare, cil ma kwinyo pa Yehova wok ko kum dhanu pare, maram ma kabothne mbe.

Nehemia 9:26

Ento giwor ungo, man gijai iri, gibayu Cik peri de i ng’eigi, man ginego jubila peri m’utuco wigi kara gilokgi i beng’i kendo, man gitimo gin ma dit ma nyayu ng’ecwiny.

Zaburi 58:11

Ketho nia dhanu gibiwacu kumae, Andha sukulia nuti ni won bedopwe: Andha Mungu nuti ma poko lembe i ng’om.

Isaya 35:6

Jarabala bilund por malu calu thwon ruda, man leb ajuba biwero wer; kum pi bithwogre kud i langa, man kulo kud i ng’omngele.

Yeremia 2:30

Agoyo nyithindho mu kwe; gijolo ponji ngo: palamularu mu ma dhe daru jubila mu, calu umvor m’ubenyotho anyotha.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Matayo 5:12

Anyong’a negwu, ku mutoro ma dit de: kum sukulia mu e dit i polo: kum ginyayu ragedo kum jubila m’ular uwok iwu bende.

Luka 1:41

Etimbre de, nia kan Elisabeti winjo moth pa Mariamu, mukere por malu i ie; Elisabeti de pong’ ku Tipo Maleng’;

Luka 1:44

Kum nen, ka dwand moth peri mondo i itha, mukere por malu i ia ni mutoro.

Luka 6:35

Ento wumar judegiwu, wutimgi ber, wumi banja, kud wugen nia wang’e dwog iwu; man sukulia mu bibedo dit, wun de wubibedo wot Ng’atu ma Malu Ngbir: kum e ber ni ju m’umbe foyofoc ku judubo bende.

Tic Mi Jukwenda 14:10

ewacu ku dwande ma dit kumae, Cung atira wi tiendi. Man epor malu emaku wotho.

Tic Mi Jukwenda 3:8

Egam epor malu, ecungo, emaku wotho; man emondo kugi i hekalu, m’ewotho, ku por malu, ku paku Mungu de.

Tic Mi Jukwenda 5:41

E ka kumeno giai kud i dilo, ma anyong’a negogi kum jukwanu ya giromo sendri mai jujwigo kogi kum Nying’ maeni.

Jurumi 5:3

Man kumeni kende ngo ento anyong’a negowa i masendi mwa bende: ma wang’eyo ko ya masendi nyayu twiocwiny;

2 Jukorinto 12:10

Kum kumeno anyong’a nega i ng’ic, i acidi de, i can piny, i ragedo, i can m’alimo, ni kum Kristu: kum kinde ma a ng’ic, kinde maeca a tek.

Jukolosai 1:24

Nie anyong’a nega i masendi m’asendra ko piwu, man appng’o gin maka para mi masendi pa Kristu m’urem i ring’kuma pi kume, ma en e kanisa;

2 Timoteo 2:12

tek wamula ku cani, wabicamu ker wakugi: tek wabikwere, en bende ebikwerowa:

Juebrania 11:26

m’ekwanu cac ma jucayu ko Kristu ni lonyo ma dwong’ ma sagu piny m’akana mi Misiri: kum eneno ba giramia mi sukulia.

Juebrania 11:6

man ma yioyic umbe nyayu mutoro i ie copre ngo; kum ng’atu m’ubino ba Mungu maku ekoeyi be nia enuti, man e jamic mi ju ma giyenye.

Yakobo 1:2

Umego, tek wupodho i udul abidhe, wukwane ceke ni mutoro;

1 Petro 4:13

ento kum wu jurib mi sendri pa Kristu, anyong’a negwu; kara i nyuth mi dwong’ pare bende anyong’a negwu kud anyong’a ma dit apila.

Lembanyutha 2:17

Ng’atu ma ithe nuti, dong’ ewinj gin ma Tipo yero ni kanisa. Ni ng’atu m’uloyo, abimio ire kum mana m’akana, man abimio ire kidi ma tar, man wi kidine nying’ ma nyen m’ukieure, ma ng’atu moko mbe m’ung’eye ndhu ng’atu m’ujole.

Lembanyutha 2:26

Man ng’atu m’uloyo, ku ng’atu m’ukuro tic para de cil i kajikne, abimie ng’ol wi thek:

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 21:7

Ng’atu m’uloyo ebilagu gin maeni; man abibedo Mungu pare, man ebibedo woda.

Lembanyutha 3:12

Ng’atu m’uloyo, abikethe ni mbegi i hekalu pa Mungu para, man ebiwok woko ku keca kendo ngo: man abigoro nying’ Mungu para i wie, man nying adhura pa Mungu para, ma Yerusalem ma nyen, m’uai i polo ba Mungu para loro piny, ku nyinga ma nyen an gira.

Lembanyutha 3:5

Ng’atu m’uloyo bironyo kendi ma tar kumeni; man abiruco nyinge woko kud i kitabu mi kwo ki ngo, man abituco nyinge i wang’ Vwa, kud i wang’ malaika pare.