Luka 6:20 - The Holy Bible In Alur (Lur) Revised Orthography

²⁰ Man eng’ayu wang’e malu ba julubne, ewacu kumae, Mugisa iwu wu ju ma jucan: kum ker pa Mungu en e mu.

Luka 6:20 ပူးပေါင်းရင်းမြစ်များ

Zaburi 37:16

Gin ma nok pa won bedopwe e ber ma sagu Piny ma dit mi judubo dupa.

Lembrieko 16:19

Bedo ku cwiny ma mol karacelo ku jucan e ber, Sagu poko ayeki ku jukuhaya.

Lembrieko 19:1

Jacan ma wotho i bedocu pare e ber Sagu ng’atu ma kit lembe mi dendhoge mbe man en e jakasegu.

Isaya 29:19

Ju ma mol bende binyayu mutoro migi i Yehova, man anyong’a binego jucan ma kind dhanu ni kum Ng’atu Maleng’ mir Israel.

Isaya 66:2

Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Zefania 3:12

Ento abiweko i kindi dhanu ma jucan ma jusendogi, man gibinwang’u gwok i nying’ Yehova.

Zekaria 11:11

E etur i ceng’ maeca; e kumeno ju ma ng’ic mir udul rombe m’uwora ging’eyo nia en e lembe pa Yehova.

Matayo 11:5

ju ma abinga maku nenopiny, weg abala bende gibewotho, weg joi de kumgi lony, ju ma ithgi dhing’ bende giwinjo, ju m’utho ndhu de gicer, jucan bende jubeyero igi lembanyong’a ma juboth ko.

Matayo 25:34

Ubimo bilund wacu ni ju ma yo ku cinge ma yor acwic kumae, Wubin wu ju ma Vwa dwokowu jumugisa, wucam pacu mi ker m’ubedo ayika iwu ugambre i thekri mi ng’om:

Matayo 5:1

E kan eneno udul dhanu, eidho malu wi got: kan ebedo piny de, julubne gibino i bang’e:

Luka 12:32

Kud wulwor, wun udul ma nyanok; kum enyayu mutoro i Wegwu nimio iwu ker.

Luka 13:28

E ywak ku kayu lak bibedo nuti, ka wubineno Ibrahim, Isak, man Yakobo, ku jubila ceke, i ker pa Mungu, wun e ma jubayuwu woko.

Luka 14:15

Ka ng’atu acel m’i kind ju m’ubedo dhu cam karacelo kude winjo gin maeno, ewacu ire kumae, Mugisa ni ng’atu ma bicamu kwen i ker pa Mungu.

Luka 16:25

Ento Ibrahim wacu kumae, Woda, poi nia i rundi m’ibedo ie kwo inwang’u gin peri ma ber, Lazaro de kumeno enwang’u gin ma rac: ento kawono ejukre keni, in ke ini i ndiba.

Luka 4:18

Tipo pa Rwoth ni i wia, Kum ewira kara ayer lembanyong’a ni jucan: Eora niyero pi gony ni ju ma juyakugi, Man pi dwoko nenopiny ni abinga, Nigonyo ju ma kumgi dhuth,

Tic Mi Jukwenda 14:22

ma gicikuteng’o ko ng’eyong’ec mi julub, gicikujukogi de ya gibed asu i yioyic man nia wakowamondo be ku masendi dupa i ker pa Mungu.

2 Jukorinto 6:10

calu ma can ubenego anega, karaman anyong’a benego thiri thiri; calu can piny ubenego, karaman m’ubelonyo dhanu dupa; calu ju ma weg gin moko ngo, karaman weg gin ceke.

2 Jukorinto 8:2

maram ku muloic ma dit mi can e dit mi mutoro migi man can piny migi ma apila usagre ni lonyo mi miomic migi ma ku berocwinygi.

2 Jukorinto 8:9

Kum wung’eyo bero pa Rwoth mwa Yesu Kristu, nia kadok elony, ento edoko jacan piwu, kara wun wulony ni kum can pare.

1 Jutesaloniki 1:6

Man wudoko jupor mwa, ku pa Rwoth, wun ma wudaru jolo lembe i can ma dit, kud anyong’a mi Tipo Maleng’;

2 Jutesaloniki 1:5

m’e giranyutha ngbeng’ mi pokolembe ma pwe pa Mungu; kara jukwanwu ya wuromo ku ker pa Mungu, ma wuneno can pire bende:

Yakobo 1:12

Ng’atu m’uciro abidhe mugisa kwanye; kum ka judaru mulo ie, ebinwang’u jamkermiwic mi kwo, ma Rwoth ung’olo ni ju m’umare.

Yakobo 2:5

Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?

Lembanyutha 2:9

Ang’eyo masendi peri, ku canpiny m’unegi (ento ilony), ku lembacidi mi ju m’uwacu ya gi Juyahudi, man gi kumeno ngo, endre gi cokri pa Jok.

1 Samwil 2:8

Eting’o jucan malu kud i utur, Eting’o ju ma can piny unegogi ku wi udhuru mi weyo, Kara gibed karacelo ku judongomawijo, Man gicam pacu mi komker mi dwong’: Kum mbegi m’i ng’om en e pa Yehova, Man eketho ng’om i wie.