Luka 6:12 - The Holy Bible In Alur (Lur) Revised Orthography

¹² Man etimbre i ceng’ maeni, nia ecidho i got nirwo; man ebedo diewor soro i rwo ni Mungu.

Luka 6:12 ပူးပေါင်းရင်းမြစ်များ

Zaburi 22:2

E Munguna, aywak ku dieceng’, ento iloko ira lembe ngo; Man i nindo mi diewor, ento anwang’u yom ungo.

Isaya 26:9

Ku ng’eyong’ec para ayenyi ku diewor; eyo, ku tipona ma yor i ia abiyenyi kud amora: kum kinde ma lembapoka peri ni i ng’om, ju m’ubedo i ng’om giponjo ng’eyo bedopwe.

Daniel 6:10

Man ka Daniel ung’eyo nia jugoro ayi wi lembagorane, ecidho i ot pare (nwang’u wang’ot pare bedo thwolo yo ba Yerusalem); man erum wi conge wang’ adek ku ba ceng’, e erwo, man emio foyofoc i wang’ Mungu pare, calu naka ebedetimo.

Matayo 5:1

E kan eneno udul dhanu, eidho malu wi got: kan ebedo piny de, julubne gibino i bang’e:

Matayo 6:6

Ento in, kan irwo, mond i kusika peri, e kan iciko dhugola i wii, irwo ni Wuru ma eni i ka ma nyalwe, Wuru de m’uneno ku ka ma nyalwe ebimio sukulia iri.

Marko 1:35

Kugweno, ma fodi piny nyambiambia, eai malu ewok woko, ecidho ka ma ngele, e erwo keca.

Marko 3:13

Man eidho malu wi got, e elwong’o ju ma ie yenyo en i bang’e; e gicidho i bang’e.

Marko 6:46

E kan ecikogi, eidho wi got nirwo.

Luka 5:16

Ento eai ecidho ka ma ngele, man erwo.

Luka 6:11

Ento gipong’ ku ng’ecwiny ma tek man giwecri gigi pi gin ma gitim kum Yesu.

Luka 6:17

Man eloro piny gikugi, man ecungo wi pambu, kud udul julubne ma dit, man udul dhanu dupa m’uai i Yahudi ku Yerusalem, man dhu wath mi Turo ku Sidon, ma gibino winje, kara jukei tho migi de;

Luka 9:18

Man etimbre, kan eberwo’katung’, julubne de ni i bang’e: man epenjogi, ewacu kumae, Udul dhanu giwacu nia an a ng’a?

Luka 9:28

Man etimbre yo ng’ei lembe maeni calu ceng’ abora, nia ecoko Petro ku Yohana man Yakobo, e gicidho kugi wi got nirwo.

Luka 9:29

Kinde m’eberwo, ayi wang’e lokre tung’, kendi pare de doko tar erieny de.

Yohana 6:3

E Yesu idho got malu, man ebedo kuca ku julubne.

Jukolosai 4:2

Wubed kr kum rwo, ma wuki ko i ie ku foyofoc;

Juebrania 5:7

En ma i ceng’ maeni mi kume, nwang’u ewodho rwo ni Mungu ku kwayukwac ma ku ywak ma tek ku piwang’ ni ng’atu ma copo lare ni tho, m’ewinjre de ni kum lworo pare ma ayi Mungu ni i kume,

1 Samwil 15:11

Alokra kum ating’o Saul ni ubimo; kum elokre cen kum luba, man etimo lembang’ola para ngo. Man kwinyo nego Samwil; man eywak ba Yehova diewor soro.