Luka 5:22 - The Holy Bible In Alur (Lur) Revised Orthography

²² Ento Yesu m’ung’eyo porolembe migi, edwoko lembe igi ewacu kumae, Wuporo lembe i adundewu nedi?

Luka 5:22 ပူးပေါင်းရင်းမြစ်များ

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

Zaburi 139:2

Ing’eyo bedopiny para ku aimalu para; Man ing’eyo pidoic para ku bor.

Lembrieko 15:26

Lembapora ma rac en e ginmajudagu ni Yehova; Ento lembe mi mer en e lembe ma leng’.

Isaya 66:18

Kum ang’eyo tic migi ku pidoic migi: nindo bino, m’abicoko ie thek ceke ku leb ceke; e gibibino, man gibineno dwong’ para.

Ezekiel 38:10

Rwoth Yehova wacu kumae: Ebitimbre i ceng’ maeca, nia gin moko biwok i pidoii, man ibiporo lembapora ma rac:

Matayo 12:15

E Yesu m’ung’eyo maeni eai ku kakeca: man dupa gilubo ng’eye; e ekeyo kumgi kpo,

Matayo 12:25

E en m’eng’eyo lembe ma igi bepido ewacu igi kumae, Ku ba ker ceke ma tek upokre gire enyothre; ku bang’ adhura ceke de kadi ot de m’upokre gire ebicungo ngo:

Matayo 9:4

E Yesu m’ung’eyo pidoic migi ewacu kumae, Adundewu bepido gin ma rac nedi?

Marko 8:17

E Yesu m’ung’eyo maeni ewacu igi kumae, Wuporo lembe nedi, kum kwen mu mbe? fodi wuneno ngo, kadok ang’eya de wung’eyo ngo? adundewu doko nwang’i?

Luka 24:38

Man ewacu igi kumae, Cwinywu ng’abre nedi? penji de wok i adundewu nedi?

Luka 5:21

Man jugorcik ku Jufarisayo gimaku poro lembe, giwacu kumae, Maeni ng’a m’uyero lembacidi kum Mungu? Ng’a ma copo weko dubo woko, ma k’e Mungu kende ngo?

Luka 5:23

Makani ma yot ma sagu, wacu kumae, Dubo peri juweko woko iri; kadi wacu kumae, Ai malu iwothi?

Tic Mi Jukwenda 5:3

Ento Petro wacu kumae, Anania, Jok upong’o adunden inedi m’icwayu ko ndra ni Tipo Maleng’, m’ikanu ko kum welpiny mi ng’omi?

Juebrania 4:12

Kum lembe pa Mungu e kwo, man etimo, man e bith ma sagu palamularu moko ma lake kun ku kun, m’ecobo ko cil ku poko ng’eyong’ec ku tipo, man ujonj ku mio ma yor i ie bende, man e yot kum ng’io pidoic ku lembapora mir adunde.

Lembanyutha 2:23

Man abinego nyithindho pare ku tho; man kanisa ceke gibing’eyo nia an a ng’atu ma sayu i ic kud adunde: man abimio iwu kubeng’wu kubeng’wu calku tic mu.