Luka 5:21 - The Holy Bible In Alur (Lur) Revised Orthography

²¹ Man jugorcik ku Jufarisayo gimaku poro lembe, giwacu kumae, Maeni ng’a m’uyero lembacidi kum Mungu? Ng’a ma copo weko dubo woko, ma k’e Mungu kende ngo?

Luka 5:21 ပူးပေါင်းရင်းမြစ်များ

Zaburi 103:3

M’eweko ko kier peri ceke woko; M’ekeyo ko tho peri ceke ma kwonde tung’ tung’;

Zaburi 130:4

Ento wekodubo nuti kudi, Kara julwori.

Zaburi 32:5

Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

Zaburi 35:5

Wek gibed calu cung’ i wang’ yamu, Man malaika pa Yehova cwalgi.

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 43:25

An, en e an, an a ng’atu m’uyweyo gondri peri woko pira gira; e abipoi kum dubo peri ngo.

Isaya 44:22

Araco gondri peri woko, calu afuru ma ndhu, man dubo peri, calu afuru: dwog i bang’a; kum aweri.

Daniel 9:19

E Rwoth, winji; E Rwoth, wek dubo; E Rwoth, winji man itim, kud igal, piri giri, E Mungu para, kum adhura peri ku dhanu peri gilwongri ku nyingi.

Daniel 9:9

Kisa ku wekodubo en e pa Rwoth Mungu mwa; kum wajai i kume;

Lembe Mi Julawi 24:16

Man ng’atu m’ucido nying’ Yehova, jubinege andha; udul ceke bicanye ku kidi andha: umondo, calu ng’atu m’anyola, kinde m’ecido nying’ Yehova, jubinege.

Mika 7:19

Ngisi binege kendo i kumwa; ebinyono kier mwa the tielo; man ibibayu dubo migi ceke i thuth mi nam.

Matayo 26:65

Jalam ma dit ulund uyeco kendi pare, ewacu kumae, Eyero lembacidi kum Mungu: can jumulembe mange negowa nedi? nen, kawono wuwinjo lembacidi pare:

Matayo 9:3

Man nen, jugorcik moko giwacu kud i igi kumae, Ng’atuni yanyu Mungu.

Luka 3:8

Ka ku meno dong’ wuceg nyingwu ma biromo ku lokocwiny, man kud wumak wacu kud i iwu giwu kumae, Wabedo kud Ibrahim ni kwaruwa; kum awacu iwu, nia Mungu copo ting’o nyithindho ni Ibrahim ku kidi maeni.

Luka 5:17

E etimbre i ceng’ moko ma kind maeno, nwang’u ebeponjo; man Jufarisayo ku jueuthecik gibedo keca, ma giai ku ba pacu ceke mi Galilaya man Yahudi ku Yerusalem: man tego pa Rwoth ni i bang’e m’ecangu ko kum.

Luka 5:22

Ento Yesu m’ung’eyo porolembe migi, edwoko lembe igi ewacu kumae, Wuporo lembe i adundewu nedi?

Luka 7:49

Ju ma gibedo kugi dhu cam de gimaku wacu i igi gigi kumae, Ng’atu mae ma weko dubo woko en e ng’a?

Yohana 10:33

Juyahudi giloko ire lembe kumae, Wacenyi ngo ku kidi kum tic ma ber, ento kum icido Mungu; kum in, m’i dhanu, ikethri giri ni Mungu.

Jurumi 8:33

Ng’a ma copo ketho lembe moko wi ju ma Mungu goyo nying’gi? Mungu e ma gonyo lembe ma wi jo;