Luka 4:20 - The Holy Bible In Alur (Lur) Revised Orthography

²⁰ Man edolo kitabu, edwoke ba jatic, man ebedo piny: wang’ dhanu ceke ma i kacokri de konjri i kume.

Luka 4:20 ပူးပေါင်းရင်းမြစ်များ

Matayo 26:55

I saa nica Yesu wacu ni udul dhanu kumae, Wubino calu kum won ayeki ku palamularu ku dul de nimaku ko ani? Abedo ku ba rupiny i hekalu abedaponjo, di wumaka ngo do.

Matayo 27:60

man ekethe i liel m’aroka i cana ma nyen ma pare gire, m’eroko i cana: eng’ielo kidi ma dit de dhugola mi liende, e ecidho.

Luka 19:48

e ginwang’u ngo gin ma gicopo timo: kum dhanu ceke gidikri i kume, niwinje.

Luka 4:17

Jumio ire kitabu pa jabila Isaya. Man eyabu kitabune, enwang’u ka ma lembe gore i ie kumae,

Luka 4:21

E emaku yero igi kumae, Tinuni lembagora pa Mungu maeni timbre kakare i ithwu.

Luka 5:3

E emondo i yei acel, ma pa Simon, man epenje ya ecwal i pi nyanok dhu wath. Man ebedo piny eponjo udul dhanu de kud i yei.

Yohana 8:2

Pir kugweno ebino kendo i hekalu, dhanu ceke de gibino i bang’e; man ebedo piny eponjogi.

Tic Mi Jukwenda 16:13

Man i ceng’ sabatu waai wacidho yo ng’ei gang’ dhu kulo, ka ma wawacu nyo karwo ni ie; e wabedo piny wayero de ni mon ma gicokri karacelo.

Tic Mi Jukwenda 3:12

Man ka Petro neno maeni, edwoko lembe ni dhanu kumae, Wu dhanu pa Israel, iwu wang’ lii kum ng’atuni nedi? kadi wutono weng’wu i kumwa nedi, calu ya waketho ewotho wan ku tego mwa giwa kadi ni kum bedo mwa ma ayi Mungu ni i kume?