Luka 4:2 - The Holy Bible In Alur (Lur) Revised Orthography

² wonabali de bidhe nindo pier ang’wen. Ecamu gin moko ngo i ceng’ maeno: ka githum, kec unege.

Luka 4:2 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

1 Ubimo 19:8

E eai, ecamu de man emadhu, man ewotho ku tego mi cemo maeno ceng’ pier ang’wen ku diewor pier ang’wen wi Horeb ma got pa Mungu.

Ester 4:16

Cidhi, icok Juyahudi ceke ma ginuti i Cucan, man wuwek cam pira, man kud wucam kadok amadha de i nindo mi ceng’ adek, diewor kadi dieceng’: an bende ku jutic para ma nyir wabiweko cam kumeno; e kumeno abimondo bang’ ubimo, ma en e calku cik ungo: man tek arwinyo, de arwiny.

Ai 24:18

E Musa mondo kind afuru, man eidho malu wi got: man Musa bedo wi got ceng’ pier ang’wen ku diewor pier ang’wen.

Ai 34:28

Man ebedo kuca karacelo ku Yehova ceng’ pier ang’wen man diewor pier ang’wen; ecamu kwen de ngo, kadok madhu pi de ngo. Man egoro lembe mi lembariba wi ban, en e lembang’ola apar.

Yona 3:7

Man eoro kwenda m’uyero i Nineve ku ng’ol p’ubimo ku weg yung pare, m’uwacu kumae, Kadok dhanu kadi lim, dhok kadi udul rombe, kud ubil gin moko; ku gicam cam, kadi pi de ku gimadhi:

Matayo 21:18

Nie kugweno kan ebedwogo i adhura kec ubenege.

Matayo 4:2

E kan eweko cam ceng’ pier ang’wen ku diewor de, yo ku ng’eye kec unege.

Luka 4:3

E wonabali wacu ire kumae, Tek in i Wod Mungu, wac ni kidi maeni nia edok ni kwen.

Yohana 4:6

man kulo pa Yakobo de ni kakeno. Ka kumeno, Yesu m’uol ku woth pare, ubedo kumeno dhu kulo. Nwang’u saa yenyo romo mir abusiende.

Poi Mi Cik 9:18

E apodho piny i wang’ Yehova, calu ma kwong’a ceng’ pier ang’wen ku diewor de pier ang’wen; e acamu cam ungo kadi pi de amadhu ngo; kum dubo mu kpo ma wudubo, ku timo maeno m’ubedo rac i wang’ Mungu, kara wimyai ng’ecwiny i ie.

Poi Mi Cik 9:25

Kum kumeno apodho piny i wang’ Yehova ceng’ pier ang’wen ku diewor pier ang’wen m’apodho ie piny, kum Yehova wacu nia ebinyothowu.

Poi Mi Cik 9:9

Kinde m’ai dho malu wi got kara agam bankidi, en e ban mi lembariba ma Yehova timo kudu, alund abedo wi got ceng’ pier ang’wen ku diewor pier ang’wen; acamu cam ungo kadi pi de amadhu ngo.

Juebrania 2:18

Kum nwang’u en gire esendre ma jubidhe, ecopo konyo ju ma jubidhogi.

Juebrania 4:15

Kum wakubedo ku jalam ma dit ungo ma can kunege ngo kum ng’ic ma wa ng’ic ko; endre ng’atu ma jubidhe kum gin ceke ma calu jubidho kowa, ere ma dubo mbe.

1 Samwil 17:16

E Jafilistine ebedecoro ceng’ni kugweno man uthieno, man ewodhre ceng’ pier ang’wen.