Luka 4:18 - The Holy Bible In Alur (Lur) Revised Orthography

¹⁸ Tipo pa Rwoth ni i wia, Kum ewira kara ayer lembanyong’a ni jucan: Eora niyero pi gony ni ju ma juyakugi, Man pi dwoko nenopiny ni abinga, Nigonyo ju ma kumgi dhuth,

Luka 4:18 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

2 Lemkei 34:27

kum adundeni bedo yom, man ijwigri giri i wang’ Mungu, kinde m’iwinjo lembe pare ma kum ka maeni, man kum dhanu m’ubedo kakeni, man ijwigri giri i wang’a, iyeco kendi peri de, man iywak i wang’a; an bende awinji, Yehova wacu.

Zaburi 102:20

Kara ewinj cur pa jakol; Kara egony ju ma juketho mi tho;

Zaburi 147:3

Ecangu ju ma cwinygi tur, Man eriwo wang’ lero migi.

Zaburi 2:2

Ju m’ubimo m’i ng’om gicoko dhoggi, Man jubim giporo lembe karacelo, Kum Yehova, man kum ng’atu m’awira pare, ma giwacu ko kumae,

Zaburi 2:6

Ento aketho ubimo para Wi got para ma leng’ mi Sayuni.

Zaburi 34:18

Yehova ni ceng’ni ju ma adundegi tur, Man ebodho wagi ju ma cwinygi dieng’ kum dubo migi.

Zaburi 45:7

Imaru bedopwe, man idagu dubo: Ka kumeno Mungu, Mungu peri, uwiri Ku mo mi mutoro ma sagu juwedu.

Zaburi 51:17

Lam pa Mungu en e cwiny m’utur: Adunde m’utur m’udieng’ kum dubo, E Mungu, ibicayu ngo.

Isaya 32:3

E wang’ ju m’uneno bibedo via via ngo, man ith ju m’uwinjo biwinjo.

Isaya 35:5

E wang’ abinga bilund yabre, man ith udhing’ bilund yabre.

Isaya 42:7

mi yabu wang’ abinga, mi wodho jukol woko kud i odkol, man ju m’ubedo i mudho kud i odkol.

Isaya 45:13

Ating’e malu i bedopwe, man abitiro yo pare ceke: ebigomo adhura para, man ebigonyo ju ma judakugi para, pi wel piny kadi sukulia de ngo, Yehova mir udul uwacu.

Isaya 49:9

m’iwac ko kumae ni ju m’ubedo atwia, Wuwok woko; ni ju ma ni i mudho ke kumae, Wunyuthru giwu. Gibicamu i yo, man kakwae migi bibedo wi ng’om m’utingre ceke ma thwolo.

Isaya 50:4

Rwoth Yehova mio ira leb mi ju ma juponjo, kara ang’ei maram jujengo ko ng’atu m’uol ku lembe: eceu ku ba rupiny ku ba rupiny, ecewo itha kara uwinj calu julub ma juponjogi.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 59:21

Man pira, maeni lembariba para ma wakugi, Yehova wacu: Tipo para ma ni i wii, man lembe para m’aketho i dhogi, biai kud i dhogi ngo, kadi kud i dhu kodhini de ngo, kadi kud i dhu kodhi mi kodhini de ngo, Yehova wacu, ugambre kawono cil nja.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Isaya 66:2

Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Ezekiel 9:4

Man Yehova wacu ire kumae, Kadh ku kind adhura, kud i kind Yerusalem, man iketh ayi wi ter nyim dhanu m’ugamu cwinygi man ma giywak kum ginmajudagu ceke m’utimbre i kinde.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Zefania 3:12

Ento abiweko i kindi dhanu ma jucan ma jusendogi, man gibinwang’u gwok i nying’ Yehova.

Zekaria 11:11

E etur i ceng’ maeca; e kumeno ju ma ng’ic mir udul rombe m’uwora ging’eyo nia en e lembe pa Yehova.

Malaki 4:2

Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

Matayo 11:5

ju ma abinga maku nenopiny, weg abala bende gibewotho, weg joi de kumgi lony, ju ma ithgi dhing’ bende giwinjo, ju m’utho ndhu de gicer, jucan bende jubeyero igi lembanyong’a ma juboth ko.

Matayo 12:18

Nen, jatic para m’agoyo wie; Jamerna ma mutoro nego ng’eyong’ec para i kume: Abiketho Tipo para i wie, Man ebiyero lembapoka ni Thekdhanumange.

Matayo 12:20

Usi m’unyoc ebituro ngo, Atutu m’udunyo yiro de ebinego ngo, Cil ma fok’eoro lembapoka ni aloci ngo.

Matayo 4:16

Dhanu m’ubedo i mudho Gineno der ma dit, Man ni ju m’ubedo i ng’om ku tipo mi tho, Der udhenjre igi.

Matayo 5:3

Mugisa ni jucan mi tipo: kum ker m’i polo en e migi.

Luka 4:17

Jumio ire kitabu pa jabila Isaya. Man eyabu kitabune, enwang’u ka ma lembe gore i ie kumae,

Luka 6:20

Man eng’ayu wang’e malu ba julubne, ewacu kumae, Mugisa iwu wu ju ma jucan: kum ker pa Mungu en e mu.

Luka 7:22

Edwoko lembe ewacu igi kumae, Wuciyer ni Yohana pi gin ma wuneno ma wuwinjo de; abinga neno piny, weg abala mi tielo de giwotho, weg joi kumgi doko leng’, ju ma ithgi dhing’ de giwinjo, ju m’utho ndhu de gicer, lembanyong’a ma juboth ko de y ere ni jucan.

Yohana 1:41

Elar enwang’u umin ma dhe ma Simon, e ewacu ire kumae, Wanwang’u Masia (thelembene, ka juloke, Kristu).

Yohana 12:46

Abino i ng’om ni der, kara ng’atu ma tek uyio ira kud ebed i mudho.

Yohana 3:34

Kum ng’atu ma Mungu oro yero lembe pa Mungu: kum Mungu mio Tipo pa Mungu: kum Mungu mio Tipo ku mukero ngo.

Tic Mi Jukwenda 10:38

en e Yesu ma Nazareti, maram Mungu wire ko ku Tipo Maleng’ ku tego bende: m’ebedewotho ko awotha ku timo ber, ku keyo kum dhanu ceke ma wonabali voyogi; kum Mungu ni kude.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Tic Mi Jukwenda 4:26

Ju m’ubimo m’i ng’om girieri gigi, Jubim de coko dhoggi karacelo, Kum Rwoth, man kum Kristu pare:

Tic Mi Jukwenda 4:27

kum andha i adhura nini Herode giku Pontio Pilato, karacelo ku Thekdhanumange ku kodhi dhanu pa Israel de, gicoko dhoggi kum Yesu ma Jatic peri maleng’, m’iwiro mo i wie,

Jukolosai 1:13

m’elaruwa kud i tego mi mudho, man elokowa i ker pa Wode mi mer pare;

Yakobo 2:5

Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic: