Luka 3:8 - The Holy Bible In Alur (Lur) Revised Orthography

⁸ Ka ku meno dong’ wuceg nyingwu ma biromo ku lokocwiny, man kud wumak wacu kud i iwu giwu kumae, Wabedo kud Ibrahim ni kwaruwa; kum awacu iwu, nia Mungu copo ting’o nyithindho ni Ibrahim ku kidi maeni.

Luka 3:8 ပူးပေါင်းရင်းမြစ်များ

Nehemia 5:11

Akwayuwu, wudwok igi, ndhu i ceng’ maeni, pothi migi, man pothi mir ulok migi, ku pothi mir ulam migi, man udi migi man ng’et sente mi dak bende, man mi cam, ku pigulok ma nyen, ku mo, ma wuwodho i bang’gi.

Ezekiel 33:24

Wod dhanu, ju m’ubedo i ka mir uvuru i ng’om mir Israel giyero, giwacu kumae, Ibrahim en e acel, man emaku ng’ombe ni aba: ento wan wa dupa; ng’om bimire iwa ni aba.

Matayo 21:43

Ka kumeno awacu iwu kumae, Jubikabu ker pa Mungu woko kud i beng’wu, jubimie de ni thek ma cego nyingene.

Matayo 3:8

Ka kumeno wuceg nyingwu m’uromo ku lokocwiny:

Matayo 3:9

man iwu kud upid nia wuwac i iwu giwu kumae, Wabedo kud Ibrahim ni wegwa: kum awacu iwu, nia Mungu copo ting’o nyithindho ni Ibrahim ku kidi maeni.

Luka 13:25

ka won ot uai malu, eciko dhugola de, man wumaku cungo woko, wudwong’o dhugola de, wuwacu kumae, Rwoth, yab iwa; man ebidwoko lembe ebiwacu iwu kumae, Ang’eyo wu ngo kadok ka ma wuai i ie de;

Luka 13:26

wubilund maku wacu kumae, Wacamu wamadhu i weng’i, iponjo de i gengi mwa;

Luka 14:9

e ng’atu m’ulwong’i ku ng’atuno de bibino biwacu iri kumae, Yikri ni ng’atuni; e kan ibimaku dok i ka ma nweng’ ku lewic.

Luka 19:40

Man eloko lembe ewacu kumae, Awacu iwu nia, tek joni giling’ kidi bikok akoka.

Luka 19:9

E Yesu wacu ire kumae, Tinuni both ubino ba ot maeni, kum en bende en e wod Ibrahim.

Luka 5:21

Man jugorcik ku Jufarisayo gimaku poro lembe, giwacu kumae, Maeni ng’a m’uyero lembacidi kum Mungu? Ng’a ma copo weko dubo woko, ma k’e Mungu kende ngo?

Yohana 8:33

Giloko lembe ire kumae, Wan wa kodhi Ibrahim, fodi wabedo ng’eca pa ng’atu moko ngo: iwacu nenedi, Wubigonjru?

Yohana 8:39

Giloko lembe giwacu ire kumae, Wegwa en e Ibrahim. Yesu wacu igi kumae, Tek wu nyithindho pa Ibrahim kuno di wutimo tic pa Ibrahim.

Tic Mi Jukwenda 26:20

ento ku kwong’a ayero ni ju ma Dameski, i Yerusalem de, kud i ng’om Yahudi ngung’ bende, ni Thekdhanumange bende, nia gilok cwinygi man gilokri ba Mungu, gitim tic de m’uromo ku lokocwiny.

Jurumi 4:16

Kum kumeno en e mi yioyic, kara ebed calku bero; kara lembang’ola bed andhandha ni nyikwayu ceke; ni maeno kende ngo ma en e mi cik, endre ni maeno bende ma en e mi yioyic pa Ibrahim, ma en e wegwa ceke

Jurumi 9:7

kadok, kum gi kodhi pa Ibrahim, meca kagi ceke gi nyithindho ngo: ento kodhini bilwongre ni kum Isak.

Jufilipi 1:11

ma nying’ bedopwe, ma ni kum Yesu Kristu, e m’uyeng’wu, ni dwong’ pa Mungu ku pak ma jupake ko.