Luka 3:22 - The Holy Bible In Alur (Lur) Revised Orthography

²² man Tipo Maleng’ uloro i wie ku kum, calu mir akuru, dwal de ai i polo kumae, In i Woda ma jamerna; ma anyong’a nega i kumi.

Luka 3:22 ပူးပေါင်းရင်းမြစ်များ

Zaburi 2:7

Abiyero pi lembang’ola: Yehova wacu ira kumae, In i woda; Tin anyoli.

Isaya 42:1

Nen, jatic para, m’ajengo; ng’atu m’afoya para, ma anyong’a nego cwinya i kume: aketho Tipo para i wie; ebikelo pokolembe ba Thekdhanumange.

Matayo 12:18

Nen, jatic para m’agoyo wie; Jamerna ma mutoro nego ng’eyong’ec para i kume: Abiketho Tipo para i wie, Man ebiyero lembapoka ni Thekdhanumange.

Matayo 17:5

Kinde m’ebeweco, nen, afuru m’urieny uketho tipo i wigi: man nen, dwal uwacu ku i afuru kumae, Meni Woda ma jamerna, ma anyong’a nega i kume; wuwinje.

Matayo 27:43

Egeno ni Mungu; wek elare kawono, tek eyenye: kum ewacu kumae, An a Wod Mungu.

Matayo 3:13

Yesu lund uai Galilaya ebino Yordan ba Yohana, nimaku baputisi i bang’e.

Matayo 3:16

Yesu de, kan emaku baputisi, eai malu tho kud i pi: nen, polo yabre ire, man eneno Tipo Mungu beloro calu akuru, ebino de i wie;

Matayo 3:17

man nen, dwal uai i polo, uwacu kumae, Meni Woda ma jamerna, ma mutoro nega i kume.

Marko 1:11

e dwal uai kud i polo kumae, In i Woda ma jamerna, ma mutoro nega i kumi.

Marko 1:9

Man etimbre i ceng’ maeno, nia Yesu ai Nazareti mi Galilaya, e Yohana mio ire baputisi i Yordan.

Marko 9:7

Afuru bino ketho tipo i wigi: dwal uai i afuru de wacu kumae, Maeni Woda ma jamerna: wuwinje.

Luka 2:14

Dwong’ ni Mungu ma malu ngbir, Kwiocwiny de wi ng’om kind dhanu ma mutoro nege i kumgi.

Luka 4:21

E emaku yero igi kumae, Tinuni lembagora pa Mungu maeni timbre kakare i ithwu.

Yohana 1:32

Yohana de nyutho lembe, ewacu kumae, Aneno Tipo ai i polo loro piny pamir akuru; ebedo de i wie.

Yohana 12:28

Vwa, yung nyingi. E dwal ulund ubino uai i polo kumae, Adaru yunge, man abiyunge kendo.

Yohana 5:37

Man Wego m’uora, enyutho pira. Fodi wuwinjo dwande ngo nindo moko, kadi kite de fodi wuneno ngo.

Tic Mi Jukwenda 10:38

en e Yesu ma Nazareti, maram Mungu wire ko ku Tipo Maleng’ ku tego bende: m’ebedewotho ko awotha ku timo ber, ku keyo kum dhanu ceke ma wonabali voyogi; kum Mungu ni kude.

Jukolosai 1:13

m’elaruwa kud i tego mi mudho, man elokowa i ker pa Wode mi mer pare;

1 Petro 2:4

ma wubino i bang’e, en e kidi ma kwo, ma dhanu kwere andha, ento ku ba Mungu en e ng’atu ma jugoyo wie, ma pire tek de,