Luka 3:16 - The Holy Bible In Alur (Lur) Revised Orthography

¹⁶ Yohana loko lembe ewacu igi kumae, Amio baputisi iwu andha ku pi; ento ng’atu m’ubebino e tek ma sagu an, ma thondh wara pare aromo ngo ya agony: ebimio iwu baputisi ku Tipo Maleng’ ku mac:

Luka 3:16 ပူးပေါင်းရင်းမြစ်များ

Lembrieko 1:23

Wulokru kum juk para: Nen, abikonjo tipo para i wiwu; Abiketho lembe para ng’eire iwu.

Isaya 32:15

cil ma jubikonjo ko Tipo m’uai malu i wiwa, man langa udok ni podho ma cek hai, man podho ma cek hai jubiwacu ya luli.

Isaya 4:4

nwang’u Rwoth ulwoko cilo mi nyig Sayuni cen, man eyweyo rimo mi Yerusalem kud i diere, ku tipo mi pokolembe, man ku tipo mi mac m’uwang’.

Ezekiel 36:25

Man abikiro pi ma leng’ i kumwu, e wubibedo leng’: abidwokowu leng’ ni cilo mu ceke, man ni mungu m’araga mu ceke.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Matayo 3:11

Amio iwu baputisi i pi mi lokocwiny: ento ng’atu m’ulubo ng’eya ebedo ku tego ma sagu an, ma wara pare aromo ngo ya ayei: ebimio baputisi iwu i Tipo Maleng’ i mac bende:

Matayo 3:12

udheru pare ni i cinge, man ebililo laru pare mii; man ebicoko nganu pare i dero, ento ebiwang’u cunge ku mac ma negre ngo.

Yohana 1:26

Yohana dwoko lembe igi, ewacu kumae, Amio baputisi i pi: ng’atu acel ucungo i kindwu ma wung’eyo ngo,

Yohana 1:27

ma en e ng’atu m’ubino i ng’eya, ma thondh wara pare an aromo ngo ya agony.

Yohana 1:33

Man ang’eye ngo: ento ng’atu m’uora nimio baputisi i pi, ewacu ira kumae, Ng’atu ma tek ibineno Tipo beloro i wie man ebedo i wie, en e ng’atu m’umio baputisi i Tipo Maleng’.

Yohana 7:38

Ng’atu m’uyia, kulo mi pi mi kwo bithwogre kud i ie, calu lembagora pa Mungu wacu.

Tic Mi Jukwenda 1:5

kum Yohana mio baputisi ku pi andha ento wun re wubimaku baputisi ku Tipo Maleng’ ma fodi nindo dupa kukadhu ngo.

Tic Mi Jukwenda 10:44

E kinde ma Petro beyero lembe nini, Tipo Maleng’ ucore wi dhanu ceke ma giwinjo lembe nini.

Tic Mi Jukwenda 2:33

Ka kumeno en ma judo de malu ba cing’ Mungu ma yor acwic, m’ejolo lembang’ola ma Wego ng’olo pi Tipo Maleng’, ekonjo gin maeni, ma wuneno wuwinjo de.

1 Jukorinto 12:13

Kum i Tipo acel jumio baputisi iwa kawa ceke i kum acel, kadok Juyahudi kadi Juyunani, kadok jumiru kadi paker; man juketho ceke umadh kum Tipo acel.