Luka 3:11 - The Holy Bible In Alur (Lur) Revised Orthography

¹¹ Man edwoko lembe ewacu igi kumae, Ng’atu ma won kanzu ario, emi ni ng’atu ma pare mbe; ng’atu ma won cam, etim kumeno bende.

Luka 3:11 ပူးပေါင်းရင်းမြစ်များ

Ezekiel 18:7

man etimo rac kum ng’atu moko ngo, ento edwoko mukwatu pare ba jabanja, man egamu gin moko ngo ku kuvuga, emio kwen pare de ba ng’atu ma kec unege, man eumo jamuneru ku kendi;

Daniel 4:27

Kum kumeno, E Ubimo, wek lembapora para yire iri, man ijig dubo peri ku tic mi bedopwe, kier peri de ku nyutho kisa ni jucan; kuno nyo bedoyo peri bimedre.

Matayo 25:40

Ubimo de biloko lembe ebiwacu igi kumae, Andha awacu iwu kumae, Kum calu wutime ni ng’atu acel ma kind utumira maeni, cil ni maeni ma gi nyithigiki nwang’u wutime ira.

Luka 11:41

Ento wumi gin ma ni i iwu ni giramia; e ka gin ceke bibedo leng’ iwu.

Luka 18:22

E ka Yesu winjo maeni, ewacu ire kumae, Lembe acel nuti m’irem i ie: lok gin ceke m’ibedo ko, pok ni jucan, e ibibedo ku piny m’akana i polo: man ibin, ilub ng’eya.

Luka 19:8

Zakayo cungo, man ewacu ni Rwoth kumae, Nen, Rwoth, ng’et piny para kucel amio ni jucan; man tek avugo ng’atu moko ku riu, adwoko wang’e wang’ ang’wen.

Yohana 13:29

Kum jumoko wacu nyo, kum usau ni ba Yuda, Yesu wacu ire kumae, Ng’ieu gin ma cande ni kumwa mir agba; kadi nia emi gin moko ni jucan.

Tic Mi Jukwenda 10:2

en e jabero, en e ng’atu ma lworo Mungu de ku juode ceke, m’ebedemio giramia dit ni dhanu, ebederwo ni Mungu de thiri thiri.

Tic Mi Jukwenda 10:31

man ewacu kumae, Kornelio, rwo peri winjre giramia peri de gibedo ni poi i wang’ Mungu.

Tic Mi Jukwenda 10:4

En de, kan enene tel, e lworo make, ewacu kumae, Girang’o, Rwoth? Man ewacu ire kumae, Rwo peri ku giramia peri giidho malu gibedo ni poi i wang’ Mungu.

Juefeso 4:28

Dong’ ng’atu ma kwalu kud ekwai kendo: ento ma sagu dong’ etim tic, m’etimo ku cinge gin maeno ma dre, kara ebed ku gin m’emi ni ng’atu ma canpiny ni i kume.

1 Timoteo 6:17

Ng’ol ni ju ma gi julonyo i ng’om maeni ma kawono, kara pidoigi kud ubed dit, kadi ku giketh genogen migi kum lonyo ma kare kadhu, ento kum Mungu re, m’emio iwa gin ceke ku berocwinye ni mutoro mwa;

1 Timoteo 6:18

kara gitim ber, kara gilony i tic ma ber, kara gibed ayika mi miomic, gibed jungisi de;

Juebrania 6:10

kum Mungu en e won gondri ngo ma nia wie wil kum tic mu man mer ma wunyutho kum nyinge, kum wutimo ni jumaleng’, man wubetimo asu.

Yakobo 1:27

Kisoma m’alili ma cido de ngo i wang’ Mungu mwa ma Wegwa e ee, ya julieu kic ku mon ma coggi tho i can migi, man ke gwok ma jugwokri ko gijo ni ng’om ma jukuvukri ngo.

Yakobo 2:14

Kuloka en e ang’o, juwada, tek ng’atu moko wacu ya ebedo ku yioyic, enke tic umbe kude? yioyic nino copo bodhe?

1 Yohana 3:17

Ento ng’atu m’ubedo ku piny m’i ng’om, man eneno can piny unego umin, man ecero ngisi pare ire, mer pa Mungu bedo i ie nenedi?

1 Yohana 4:20

Tek ng’atu moko wacu kumae, Amaru Mungu, ma en ke edagu umin, nwang’u en e jandra: kum ng’atu m’umaru umin ungo m’eneno, ecopo maru Mungu ngo m’eneno ngo.