Luka 24:6 - The Holy Bible In Alur (Lur) Revised Orthography

⁶ Embe keni, ento ecer: wupoi maram eyero ko iwu ma fodi eni i Galilaya,

Luka 24:6 ပူးပေါင်းရင်းမြစ်များ

Matayo 12:40

kum calu Yona bedo ceng’ adek ku diewor de i cino rec ma dit; e Wod dhanu de bibedo kumeno ceng’ adek ku dieworne de i adunde ng’om.

Matayo 16:21

Ugambre i nindo maeni Yesu maku nyutho ni julubne, nia ekocidho be Yerusalem, ecisendre de ku gin dupa ni kum judongo ku julam ma dongo ku jugorcik, jubinege de, i ceng’ mir adege ke ebicer.

Matayo 27:63

giwacu kumae, Rwoth, wapoi ya jabombi maeno wacu kumae, ma fodi ekwo, Yo ng’ei ceng’ adek abicer kendo.

Matayo 28:6

Embe keni; kum ecer, cil calu ewacu. Wubin, wunen ka ma Rwoth ukouvuto i ie.

Marko 16:6

Man ewacu igi kumae, Iwu kud uwang’ lii; wuyenyo Yesu, ma Janazareti, ma jugure: ecer, embe keni: nen ka ma jukethe i ie!

Marko 8:31

Emaku ponjogi de, nia Wod dhanu bikosendre be ku gin dupa, judongo ku julam ma dongo ku jugorcik de gibikwere, jubinege de, man ka ceng’ adek ukadhu ebicer kendo.

Luka 24:34

giwacu kumae, Rwoth ucer andha, man enyuthre ni Simon.

Luka 24:5

man ka lworo makugi gikulo wang’gi de i ng’om, giwacu igi kumae, Nedi wuyenyo ng’atu ma kwo i kind ju m’utho?

Luka 9:22

ewacu kumae, Wod dhanu bikosendre ku gin dupa be, judongo ku julam ma dongo ku jugorcik gibikwere, man jubinege, man i ceng’ mir adege ebicer.

Luka 9:44

Wek lembe mae unyang’ i ithwu: kum Wod dhanu jubimie i cing’ dhanu.

Tic Mi Jukwenda 2:24

ma Mungu ketho ecer, m’egonye ko ku i masendi mi tho: kum ecopre ngo ya ebed kudo.

2 Jutesaloniki 2:5

Wupoi ungo, nia, ma fodi wanuti wakudu, ayero iwu gin maeni?