Luka 24:5 - The Holy Bible In Alur (Lur) Revised Orthography

⁵ man ka lworo makugi gikulo wang’gi de i ng’om, giwacu igi kumae, Nedi wuyenyo ng’atu ma kwo i kind ju m’utho?

Luka 24:5 ပူးပေါင်းရင်းမြစ်များ

Daniel 10:16

Man, nen, ng’atu acel ma calu wod dhanu emulo dendhoga: e alund aalu dhoga, man ayero awacu ni ng’atu m’ucungo i wang’a kumae, E rwoth para, ni kum ginmawokiwang’ can para dwog i wia, man tego dong’ umbe kuda.

Daniel 10:19

Man ewacu kumae, E ng’atu ma jumaru dit, lworo kud unegi: kwiocwiny ubed iri, bed ku tego, eyo, bed ku tego. E kinde m’eyero ira, judwoka tek, man awacu kumae, Wek rwoth para weci, kum idwoka tek.

Luka 1:29

Ento ie pido dit kum lembe maeni, ie de bepido ya moth maeni manedi.

Luka 24:4

E etimbre, kinde ma cwinygi ng’abre kum lembene, nen, juario cungo i vutgi ku kendi m’urieny:

Luka 24:6

Embe keni, ento ecer: wupoi maram eyero ko iwu ma fodi eni i Galilaya,

Tic Mi Jukwenda 2:24

ma Mungu ketho ecer, m’egonye ko ku i masendi mi tho: kum ecopre ngo ya ebed kudo.

Juebrania 7:8

Man kakeni dhanu ma tho jolo apaje; ento keca acel, ma junyutho pire ya ebedo kwo.

Lembanyutha 1:18

man ng’atu ma Kwo; an ma nwang’u atho, man nen, abedo kwo mi rondo ku rondo, man abedo ku kifungula mi tho man mi Hadeya.

Lembanyutha 2:8

Man ni malaika mi kanisa ma ni i Smurna kieu kumae: Ng’atu ma en e ma kwong’a ku ma cen de, m’etho, man ebedo kwo kendo ewacu gin maeni kumae: