Luka 24:47 - The Holy Bible In Alur (Lur) Revised Orthography

⁴⁷ man kara juyer pi lokocwiny ku rucodubo i nyinge ni thek ceke, ugambre Yerusalem.

Luka 24:47 ပူးပေါင်းရင်းမြစ်များ

Thangambere 12:3

man abimio mugisa ni ju m’umio mugisa iri, man ng’atu m’ulemi abilame: man wat ceke m’i ng’om binwang’u mugisa ni kumi.

Zaburi 22:27

Tung’ ng’om ceke bipoi man gibilokri ba Yehova; Man wat ceke mi thek birwo i weng’i.

Zaburi 67:7

Mungu bimio mugisa iwa; Man tung’ ng’om ceke bilwore.

Zaburi 86:9

Thek ceke m’itimo bibino man gibirwo i weng’i, E Rwoth; Man gibiyungo nyingi.

Isaya 11:10

Man ebitimbre i ceng’ maeca, nia ulag Yese, m’ucungo ni abera ni kodhidhanu, thek biyenyo i bang’e; man kayom pare bibedo mi dwong’.

Isaya 49:22

Rwoth Yehova wacu kumae, Nen, abiting’o cinga ba thek, man abiting’o abera para ni kodhidhanu; e gibikelo woti i korgi, man gibiyeyo nyigi wi gokgi.

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 5:4

Jucopo timo ang’o mange i podho mir ulok para, m’akatimo an ungo i ie? pirang’o, kinde m’ageno nia ebicego nyingulok, ecego nyingulok m’i thimi?

Isaya 52:10

Yehova wanyu bote ma leng’ i wang’ thek ceke; man kajik mi ng’om ngung’ uneno both pa Mungu mwa.

Isaya 52:15

e ebipoyo thek dupa kumeca; ju m’ubimo bimio dhoggi i kume: kum gibineno gin ma fodi jukuyero igi ngo: man gin ma giwinjo ngo gibing’eyo.

Yeremia 31:34

Man ku ba dhanu ku ba dhanu ng’atuman biponjo wagi kendo ngo, man ku ba dhanu ku ba dhanu ng’atuman biponjo umin ungo, ma nia giwac kumae, Ng’ei Yehova; kum gin ceke gibing’eya, ugambre kum ma nok m’i kindgi cil kum ma dit m’i kindgi, Yehova wacu: kum abiweko kier migi, man abipoi kendo ngo pi dubo migi.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Hoseya 2:23

Man abicoye ira i ng’om; man kisa binega kum dhaku ma fodi unwang’u kisa ngo; man abiwacu ni ju ma naka gi dhanu para ngo kumae, In i dhanu para; man gibiwacu kumae, In i Mungu para.

Mika 4:2

Man thek dupa bicidho man gibiwacu kumae, Wubin, wacidhu waidhu ba got pa Yehova, man ba ot pa Mungu pa Yakobo; e ebiponjo wa ku yo pare, man wabiwotho i yo pare. Kum cik biwok kud i Sayuni, man lembe pa Yehova kud i Yerusalem;

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Matayo 28:19

Ka kumeno wucidhi, wuketh thek ceke dok julub, wumi igi baputisi ku nying Wego ku Wod man Tipo Maleng’:

Matayo 3:2

Wulok cwinywu; kum ker mi polo ni ceng’ni.

Matayo 9:13

Ento wucidh wung’ei ka thelembe nini, ayenyo kisa, lam re ngo: kum abino lwong’o weg bedopwe ngo, endre judubo.

Luka 13:34

E Yerusalem, Yerusalem, m’unego jubila pa Mungu, man m’ucanyu ju ma juoro i bang’e ku kidi! ayenyo wang’ udul acok nyithindho peri karacelo, cil calu min gweno coko nyithindhe the bombe, ere wuyenyo ngo!

Tic Mi Jukwenda 10:43

Jubila ceke ginyutho pire, nia ni kum nyinge ku ba dhanu ceke m’uyio ire ebinwang’u ruc mi dubo.

Tic Mi Jukwenda 11:18

E ka giwinjo gin maeni, giling’, man giyungo Mungu, giwacu kumae, Kara Mungu mio lokocwiny ma ni kwo ni Thekdhanumange bende.

Tic Mi Jukwenda 13:46

Man Paolo giku Barnaba giyero ku fcegocwinygi, giwacu kumae, Maku wakowalar wayer iwu lembe pa Mungu be. Kum wucwale cen kud i kumwu, wupoko giwu ya wuromo ku kwo ma rondo ku rondo ngo, nen, walokra ba Thekdhanumange.

Tic Mi Jukwenda 2:38

E Petro wacu igi kumae, Wulok cwinywu, wumak baputisi kubeng’wu kubeng’wu ku nying’ Yesu Kristu ni ruc mi dubo mu; man wubijolo giramia ma Tipo Maleng’.

Tic Mi Jukwenda 20:21

abedatuco ni Juyahudi ku Juyunani bende ya gilok cwinygi ba Mungu, man gibed ku yioyic yo ba Rwoth mwa Yesu Kristu.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Tic Mi Jukwenda 26:20

ento ku kwong’a ayero ni ju ma Dameski, i Yerusalem de, kud i ng’om Yahudi ngung’ bende, ni Thekdhanumange bende, nia gilok cwinygi man gilokri ba Mungu, gitim tic de m’uromo ku lokocwiny.

Tic Mi Jukwenda 28:28

Ka kumeno dong’ wung’ei, ya both maeni pa Mungu juoro ni Thekdhanumange: gibiwinjo bende.

Tic Mi Jukwenda 3:19

Ka kumeno wulok cwinywu, man wulokru kendo, kara dubo mu kabre woko, kara nindo mi yepocwiny uai i vut Rwoth;

Tic Mi Jukwenda 4:12

Man ni kum ng’atu mange both umbe; kum nying’ mange mbe the polo, ma jumio i kind dhanu, ma wakowaboth be ni kume.

Tic Mi Jukwenda 5:31

En Mungu dode ku cinge ma yor acwic ya ebed Jaker ku Jalar, kara emi lokocwiny ni Israel, ku ruco dubo.

Jurumi 5:20

Man cik de bino umedo maeca, kara kier usagre; ento ka ma dubo sagre i ie, e bero sagre dit apila:

Juefeso 1:6

ni pak mi dwong’ mi berone, m’edhenyo bwom iwa i Jamer;

Juefeso 3:8

Bero maeni jumio ira, an nini m’a nok ma sagu jumaleng’ ceke, ya ayer pi lonyo pa Kristu ma yenjre ngo ni Thekdhanumange;

Jukolosai 1:27

e ebedo ber ni Mungu ya eketh ging’ei karamb lonyo mi dwong’ mi giramung’a maeni i kind Thekdhanumange, ma en e Kristu i iwu, genogen mi dwong’:

1 Yohana 2:12

Agoro iwu, nyithindho para ma thindho, kum dubo mu wekre iwu kum nyinge.