Luka 24:44 - The Holy Bible In Alur (Lur) Revised Orthography

⁴⁴ Man ewacu igi kumae, Maeni en e lembe para m’ayero iwu, ma fodi ani i beng’wu, nia gin ceke koutimbre be kakare, m’ugore pira i cik pa Musa, ku jubila, ku i zaburi de.

Luka 24:44 ပူးပေါင်းရင်းမြစ်များ

Thangambere 14:18

Man Melkizedek ubimo mi Salem ukelo kwen ku pigulok: man en e jalam pa Mungu ma Malu Ngbir.

Thangambere 22:18

man i kodhini thek ceke m’i ng’om binwang’u mugisa; kum iworo dwanda.

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

Thangambere 49:10

Uludhker biai ungo ba Yuda, Kadi uluth pa jabim ku kind tiende, Cil ma Cilo bino ko; Man woro mi kodhidhanu bibedo ire

Zaburi 118:22

Kidi ma jugomot gikwero Edoko ni wi gui.

Isaya 28:16

ka kumeno Rwoth Yehova wacu kumae, Nen, aketho kidi i Sayuni ni thepiny, kidi ma juponjo, kidi ma wi gui ma pire tek mi thepiny ma tek: ng’atu m’uyio bibedo vur vur ungo.

Isaya 52:13

Nen, jatic para bitimo ku rieko, jubidode man jubiting’e malu, man ebibedo malu hai.

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Yeremia 23:5

Nen, nindo bino, Yehova wacu, nia abiting’o Jang ma pwe ni Daudi, man ebicamu ker calu ubimo man ebitimo ku rieko, e ebitimo pokolembe ku bedopwe i ng’om.

Yeremia 33:14

Nen, ceng’ ubino, Yehova wacu, nia abitimo lembe ma ber maeni m’ayero pi ot mir Israel man pi ot mi Yuda.

Ezekiel 17:22

Rwoth Yehova wacu kumae: Abigamu kum lwith musonge ma wiu bende, man abipidhe; abicodo landu withe, man abipidhe wi got ma wiu m’utingre:

Ezekiel 34:23

Man abiketho jakwac acel i wigi, e e’oikakugi ku cam, en e jatic para ma Daudi; ebikakugi ku cemo, man ebibedo jakwac migi.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 7:13

Aneno i ginmawokiwang’ mi diewor, man, nen, ng’atu acel ubino kind afuru m’i polo calu wod dhanu, man ebino cil ba ng’atu m’uti mi ceng’, man gikele ceng’ni i wang’e.

Hoseya 3:5

yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.

Amos 9:11

I ceng’ maeca abiting’o hema pa Daudi m’upodho, man abiculo ka in’umome; man abiting’o gire m’ubam malu, e abigome calu i ceng’ ma con;

Zekaria 12:10

Man abikonjo tipo mi bero ku kwac wi ot pa Daudi, man wi ju m’ubedo i Yerusalem; man gibineno i bang’a ma gicobo; e gibiywak pire, calu ng’atu ma ywak pi wode ma kulong’, man can binegogi pire, calu ng’atu ma can nego pi kayu pare.

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

Zekaria 14:4

E tiende bicungo i ceng’ maeca wi got Zeituni, ma eni i wang’ Yerusalem ma yo nyangu; e got Zeituni bikak i diere yo nyangu man yo reto, man poga ma dit bibedo nuti; man ng’et got bicoro yor ariwa ma malu, man ng’ete yor ariwa ma yo piny.

Zekaria 6:12

man iwac ire kumae, Yehova mir udul uwacu kumae, Nen, ng’atu ma nyinge Jang: man ebiloth ku i kakare; e ebigomo hekalu pa Yehova;

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Kitabu Mir Ang’wende Pa Musa Wel 21:8

E Yehova wacu ni Musa kumae, Thiedh iri thwol ma ve mac, man idhoke kum yen: man ebitimbre, nia ku ba dhanu ceke ma thwol utong’ogi, kinde m’enene, ebikwo.

Kitabu Mir Ang’wende Pa Musa Wel 35:25

e udul bibodho janek kud i cing’ jaculrimo, man udul bidwoke bang’ adhura pare mi karingo, m’eringo i ie: man ebibedo i ie maram jalam ma dit bitho ko, ma juwire ku mo ma leng’.

Matayo 1:22

Nie maeni ceke timbre, kara lembe ma yang’ Rwoth uyero ku dhu jubila timbre kakare, m’uwacu kumae,

Matayo 16:21

Ugambre i nindo maeni Yesu maku nyutho ni julubne, nia ekocidho be Yerusalem, ecisendre de ku gin dupa ni kum judongo ku julam ma dongo ku jugorcik, jubinege de, i ceng’ mir adege ke ebicer.

Matayo 26:54

Ka kumeno lembagora pa Mungu bilund timbre kakare nenedi, nia ekoebed kumeno be.

Matayo 26:56

Ento lembe nini ceke timbre, kara lembagora mi jubila timbre kakare. Julub ceke gilund giweke, giringo.

Marko 9:31

Kum eponjo julubne, ewacu igi kumae, Wod dhanu jumie i cing’ dhanu, man gibinege; ka junege de, yo ng’ei ceng’ adek ebicer kendo.

Luka 21:22

Kum maeni ceng’ culokwor, kara gin ceke m’ugore timbre kakare.

Luka 22:37

Kum awacu iwu, nia maeni m’ugore bikotimbre kakare i kuma be kumae, E jukwane ku judubo: kum maeno ma pira timbre kakare.

Luka 24:46

man ewacu igi kumae, Egore kumeno, nia maku Kristu sendre, ecer kendo de ku kind ju m’utho i ceng’ mir adege;

Luka 9:22

ewacu kumae, Wod dhanu bikosendre ku gin dupa be, judongo ku julam ma dongo ku jugorcik gibikwere, man jubinege, man i ceng’ mir adege ebicer.

Luka 9:44

Wek lembe mae unyang’ i ithwu: kum Wod dhanu jubimie i cing’ dhanu.

Yohana 3:14

Man calu yang’ Musa ting’o thwol malu i yamba, e kumeno jubikoting’o Wod dhanu malu be;

Yohana 5:39

Wuyenyo i lembagora pa Mungu, kum wuwacu nia nyo wubedo ku kwo ma rondo ku rondo i igi; maeni de gi gin m’unyutho lembe pira;

Yohana 5:46

Kum tek wuyio Musa, kuno di wuyio an; kum egoro pira.

Tic Mi Jukwenda 13:33

nia Mungu ketho lembene timbre kakare ni nyithindho mwa, kum eketho Yesu cer; calu egore i zaburi mir arionde kumae, In i Woda, tin anyoli.

Tic Mi Jukwenda 13:40

Ka kumeno, wubed ku weng’wu, kara maeni m’uyere i kitabu mi jubila kud uwok i kumwu ma kumae:

Tic Mi Jukwenda 2:27

Kum ibiweko ng’eyong’ec para ni Hadeya ngo, Kadi ibimio Ng’atu Maleng’ peri ngo ya enen top.

Tic Mi Jukwenda 3:18

Ento gin ma Mungu lar unyutho ku dhu jubila ceke, nia Kristu pare bisendre, eketho etimbre kakare kumeno.

Tic Mi Jukwenda 7:37

En e Musa maeno m’ewacu ni nyithindho pa Israel kumae, Mungu biting’o iwu jabila kud i kind juwedu, ma calu an.

Juebrania 10:1

Kum cik m’ebedo ku tipo mi gin ma ber ma bibino, ayi ginduni ku kite ngo, ku lam ma calacel ma ku ba rundi ku ba rundi, ma giwodho thiri thiri, ecopo dwoko ju m’ucoro ceng’ni cu ma ndhu ki ngo.

Juebrania 3:5

Man andha Musa bedo mandha i ot pa Mungu ceke va jatic, mi lembatuca mi gin maeno ma biyere macen;

Juebrania 7:1

Kum Melkizedek maeni, ubimo mi Salem, jalam pa Mungu ma Malu Ngbir, m’erombo kud Ibrahim nwang’u ebedwogo m’eai i nek mir ubimo man emio ire mugisa,

Juebrania 9:8

e Tipo Maleng’ unyutho maeni, nia yo mi kamaleng’ fodunyuthre ngo, kinde ma hema ma kwong’a foducungo;

1 Petro 1:11

ma giyenyo ko kanindo kadi karambnindo ma Tipo Kristu ma ni i igi nyutho pire, kan elar etuco pi sendri pa Kristu, ku dwong’ ma bilubo toke.

Lembanyutha 19:10

Man apodho piny the tiende nirwo ire. Man ewacu ira kumae, Kud itim kumeno: an a jatic wedu wakudi ku juwedu de ma gibedo ku lembatuca pa Yesu: rwo ni Mungu: kum lembatuca pa Yesu en e tipo mi lembila.