Luka 22:52 - The Holy Bible In Alur (Lur) Revised Orthography

⁵² E Yesu wacu ni julam ma dongo, ku jego mi hekalu, man judongo, ma gibino i kume kumae, Wubino, calu kum won ayeki, ku palamularu ku duli?

Luka 22:52 ပူးပေါင်းရင်းမြစ်များ

2 Ubimo 11:15

E Yehoiada ma jalam ung’olo ni jego mi dak ma jukethogi wi udul, ewacu igi de kumae, Wukabe woko ku kind jukur; man ng’atu m’ulube wunege ku palamularu. Kum jalam uwacu kumae, Ku junege i ot pa Yehova.

Matayo 26:47

Kinde ma fodi ebeweco, nen, Yuda, ma ng’atu acel ma kind juapar wi ario, ubino kud udul dhanu ma dit ma gi weg palamularu ku dul de, ma giai ba julam ma dongo ku judongo mi dhanu.

Matayo 26:55

I saa nica Yesu wacu ni udul dhanu kumae, Wubino calu kum won ayeki ku palamularu ku dul de nimaku ko ani? Abedo ku ba rupiny i hekalu abedaponjo, di wumaka ngo do.

Luka 22:37

Kum awacu iwu, nia maeni m’ugore bikotimbre kakare i kuma be kumae, E jukwane ku judubo: kum maeno ma pira timbre kakare.

Luka 22:4

E ecidho, giweco ku julam ma dongo ku jego, maram ecopo mie ko igi.

Luka 22:51

Ento Yesu loko lembe ewacu kumae, Wukowuwekgi tundu. Man emulo ithe, eketho ekei.;

Luka 22:53

Ka wanuti wakudu ceng’ ku ceng’ i hekalu, wurieyo cingwu ngo i kuma: ento maeni saa mu, ku tego mi mudho.

Yohana 17:12

Kinde ma fodi wani karacelo kugi, agwoko ju m’imio ira i nyingi: akurogi de, ng’atu acel de mbe i kindgi m’urwinyo, ndhu wod nyoth kende; kara lembagora pa Mungu timbre kakare.

Tic Mi Jukwenda 5:26

E jadit mi hekalu kud asikari gilund gicidho, gikelogi, endre ku kero ngo; kum gilworo dhanu, gimaru canyugi ku kidi.