Luka 22:31 - The Holy Bible In Alur (Lur) Revised Orthography

³¹ Simon, Simon, nen, Jok upenjo nia ebed kudi, kara epiedhi pami nganu:

Luka 22:31 ပူးပေါင်းရင်းမြစ်များ

Isaya 28:28

Cam mi kwen jurego; kum ebibefode nja ngo: man kadok ukobre mi magali pare ku riuni pare gikethe, erege ngo.

Amos 9:9

Kum, nen, abing’olo, man abiyeko ot mir Israel i kind thek ceke, calu juyeko cam i jambyeko, ento nying’ cam acel bipodho wi ng’om ungo.

Zekaria 3:1

Man enyutho ira Yocuwa ma jalam ma dit m’ubecungo wang’ malaika pa Yehova, man Jok m’ucungo i cinge ma yor acwic kara ebed jasend pare.

Matayo 26:30

E ka giwero wer, giwok woko gicidho wi got Zeituni.

Matayo 4:10

Yesu lund uwacu ire kumae, Ai kakeni, Jok: kum egore kumae, Rwo ni Rwoth Mungu peri, man itim ire kende.

Luka 10:41

Ento Rwoth udwoko lembe ewacu ire kumae, Marsa, Marsa, cwinyi pido edieng’ de kum giki dupa:

Tic Mi Jukwenda 9:4

e epodho i ng’om, man ewinjo dwal uwacu ire kumae, Saul, Saul, inyayu ragedo i kuma nedi?

1 Jukorinto 5:5

kara jumi ng’atu ma kumeno ni Jok pi nyoth ma junyotho ko kum, kara cwiny uboth i ceng’ pa Rwoth Yesu.

2 Jukorinto 2:11

kara Jok kud unwang’ kuloka i wiwa: kum wan wacobo ngo kum pidoic pare.

1 Petro 5:8

Wubed nger, wuki de; jakwojwu ma wonabali, calu umvor m’ubeywak, ubewotho ku ku ku, m’ebeyenyo ko ka ng’atu m’ecam:

Lembanyutha 12:10

Man awinjo dwal ma dit i polo, m’uwacu kumae, Kawono both uwok, man tego man ker pa Mungu mwa, ku ng’ol pa Kristu pare: kum jubolo jagob utumegwa piny, en m’egobogi i wang’ Mungu mwa dieceng’ ku diewor.