Luka 22:17 - The Holy Bible In Alur (Lur) Revised Orthography

¹⁷ Man egamu kikombe, kan emio foc, ewacu kumae, Wugam maeni, wupok i kindwu:

Luka 22:17 ပူးပေါင်းရင်းမြစ်များ

Zaburi 116:13

Abigamu kikombe mi both, Man abilwong’o nying’ Yehova.

Zaburi 23:5

Ipedho mesa i wang’a i vut jukwoja: Iwiro mo i wia; Kikombe para pong’ perere.

Yeremia 16:7

kadi dhanu de bing’wenyo i kwen ungo pigi i ywak, kara ujukgi pi ju m’utho; kadi dhanu bimio igi kikombe mi juk de ngo ya gimadh pi weggi kadi pi meggi.

Matayo 14:19

E eng’olo ya udul dhanu gibed piny wi lum; man egamu lungu kwen abic, ku rec ario, eng’ayu wang’e de malu i polo, emio mugisa man eng’weko emio lungu kwen de ba julub, julub ke ni udul dhanu.

Matayo 15:36

man egamu lungu kwen abiro ku rec de; man emio foc, eng’weko ie, emio de ba julub, julub ke mio ni udul dhanu.

Matayo 26:26

Ka gibecamu de, Yesu ting’o kwen, man emio mugisa i wie, eng’wenyo ie de; e emio ni julub, ewacu kumae, Wugam, wucam; maeni kuma.

Marko 14:22

Man kinde ma gibecamu, eting’o kwen, e kan emio mugisa, eng’weko ie, emio igi de, ewacu kumae, Wugam: maeni kuma.

Luka 22:19

E eting’o kwen, e kan emio foc, eng’wenyo ie, emio igi, ewacu kumae, Maeni en e kuma m’umire piwu: wutim mae wupoi ko pira.

Luka 9:16

Eting’o lungu kwen abic ku rec ario de, eneno malu i polo, man emio mugisa i wigi, eng’weko ie de: emio ba julubne giketh i wang’ udul dhanu.

Jurumi 14:6

Ng’atu ma kwiro ceng’, ekwire ni Rwoth: man ng’atu ma camu, ecamu ni Rwoth, kum emio foyofoc ni Mungu; man ng’atu ma camu ngo, ecamu ngo ni Rwoth, man emio foyofoc ni Mungu.

1 Jukorinto 10:16

Kikombe mi ngisi ma wamio mugisa i wie, eribowa karacelo i rimo pa Kristu ngo? Kwen de ma wang’weko, eribowa karacelo i kum Kristu ngo?

1 Jukorinto 11:23

Kum agamu ba Rwoth maeno m’amio iwu, nia Rwoth Yesu ting’o kwen i diewor ma jucibe i ie;

Poi Mi Cik 8:10

E ibicamu ibiyeng’ de, man ibimio mugisa ni Yehova Mungu peri kum ng’om ma ber m’emio iri.

1 Samwil 9:13

Ka wumondo i adhura, e wubinwang’e pio pio, ma fokeidho ngo i ka ma malu nicamu; kum dhanu bicamu ngo ma fokebino ngo, kum emio mugisa wi lamne; man yo ku ng’eye ju ma julwong’ogi gicamu. Ka kumeno kawono wuidhi; kum i kinde maeni wubinwang’e.