Luka 21:34 - The Holy Bible In Alur (Lur) Revised Orthography

³⁴ Ento wubed ku weng’wu giwu, kara adundewu kud ucid ku giracama, ku mer kong’o, man ku giki mi bedo maeni, e ceng’ maeno bino i kumwu pio pio pamir uwic:

Luka 21:34 ပူးပေါင်းရင်းမြစ်များ

Thangambere 19:32

bin, dong’ waketh wegwa madh pigulok, man wabivuto kude, kara wagwok kodhi m’uai ba wegwa.

Thangambere 19:35

Man giketho weggi madhu pigulok i diewor maeca bende: man ma nok uai, man evuto kude; man eng’eyo ngo kinde m’evuto, kadi kinde m’eai.

Thangambere 27:14

E ecidho, man egamugi, man ekelogi ba min: e min mire timo cemo ma mit, wadi ma won umaru.

Zaburi 35:8

Wek nyoth ubin i wie m’eng’eyo ngo; Man wek voi pare m’ekanu make gire: Wek epodh i ie ku nyoth.

Lembrieko 21:4

Wang’ ma tingre, man adunde mi kuhaya, En e thala mi judubo, en e dubo.

Lembrieko 23:20

Kud ibed kind andrej pigulok, Kind jucam ring’o ma jumbo:

Eklizia 9:12

Kum dhanu bende ng’eyo nindo pare ngo: calu rec ma jumaku i voi ma rac, man calu winyo ma jumaku i uwic, e jumaku wot dhanu de kumeca kud uwic i nindo ma rac, kinde m’epodho i wigi mbwang’.

Isaya 28:7

E cil maeni giwiri ku pigulok, man gicidho bik bik ku giramadha ma lake tek; jalam ku jabila giwiri ku giramadha ma lake tek, e pigulok umwonyogi, man gicidho bik bik ku giramadha ma lake tek; gikier i ginmawokiwang’, gikier i pokolembe.

Hoseya 4:11

Asara ku pigulok ku pigulok ma nyasa kabu ng’eyothelembe.

Lembe Mi Julawi 10:9

Kud wumadh pigulok kadi giramadha ma lake tek, in, kadi woti wukugi, kinde ma wumondo i hema mi cokri, kara kud wutho: ebibedo ni cik mi nja cil kum dhanum’utuk mu ceke:

Matayo 13:22

E maeni ma jucoyo kind ukudho, maeni en e ng’atu m’uwinjo lembe; e giki m’i ng’om, kud awondi mi lonyo, gideyo lembene, e ecego nyinge ngo.

Marko 13:9

Ento dong’ wukuru giwu: kum jubikethowu i wang’ dilo i kacokri de jubifodowu; wubicungo i wang’ jubim ku ju m’ubimo de pira, ni lembatuca igi.

Marko 4:19

e pidoic mi giki mi ng’om, kud awondi mi lonyo, kud awanya ma rac mi gin mange m’umondo i igi, gideyo lembene, man ecego nyinge ngo.

Luka 10:41

Ento Rwoth udwoko lembe ewacu ire kumae, Marsa, Marsa, cwinyi pido edieng’ de kum giki dupa:

Luka 12:40

Wuyikru bende: kum i saa ma wuwacu nyo ngo e Wod dhanu bino.

Luka 17:3

Wukuru giwu: tek umeru dubo, juke; man tek eloko cwinye, wek lembene woko ire.

Luka 21:35

kum ebibino kumeno wi dhanu ceke m’ubedo wi wang’ ng’om ngung’.

Luka 21:8

Man ewacu igi kumae, Wubed ku weng’wu kara ku juwingwu: kum dhanu dupa bibino ku nyinga, ku wacu kumae, An a en; man, Nindo dhingo ceng’ni: kud wulub ng’eigi.

Luka 8:14

Maeno m’upodho kind ukudho ke, maeni ju m’uwinjo, e ka gicidho i yo migi gideiri ku giki m’i ng’om ku lonyo man mutoro mi kwo maeni, e gicego nying’gi moko ngo ma cu.

1 Jukorinto 5:11

ento calu lembe bedo kumeni, agoro iwu ya kud wuribru, tek ng’atu moko ma julwong’e umego e won tarwang’, kadi ng’atu ma ketho cwinye hai kum piny, kadi ng’atu ma rwo ni ayi gin m’acwia, kadi jacai cac, kadi andrej kong’o, kadi javugdhanu; ku wagi ng’atu ma kumeni, kud wucam kude.

1 Jukorinto 6:10

kadi jukwo, kadi ju ma ketho cwinygi hai kum piny, kadok ju ma andrej kong’o, kadi jucac, kadi weg kuvuga, gibicamu ker pa Mungu ki ngo.

Jugalatia 5:20

ku rwo ni ayi gin m’acwia, kud ajoga ma jutimo, kud adegi, ku por, ku ngiri, ku kwinyo, kud ali, ku pokri, ku yic ma tung’ tung’,

Poi Mi Cik 29:19

e etimbre, kinde m’ewinjo lembe mi kwong’ maeni, nia emio mugisa ire gire i adundene, m’ewacu kumae, Cwinya bikwio, kadok awotho kud adundena m’udhuku, kara anyoth ma numu ku m’uthwo.

Jufilipi 4:6

Cwinywu kud uring kum gin moko ki; ento i gin ceke ku rwo man kwayukwac ku foyofoc wuwek penji mu ung’eire ni Mungu.

Juebrania 12:15

ma wubed ko ku weng’wu kara ng’atu moko kud urem kum bero pa Mungu; kara ulag akece kud uwok m’unyai can i iwu, man uketh dupa gicid ni kume;

2 Petro 3:10

Ento ceng’ pa Rwoth bibino calu jakwo; ceng’ nica polo bikadhu woko ku bamor ma dit, man giki m’i ie de biloi ni lietho mac ma wanga wanga, ng’om de ku tic ma ni ie biwang’ pet.

2 Petro 3:14

Kum kumeno, jumer, kum wukio gin maeni, tim kud amora kara jubin junwang’wu ma cwinywu kwio, ma poyo mbe lembe de mbe i wiwu i wang’e.

Lembanyutha 3:3

Ka kumeno dong’ ipoi maram yang’ ijolo man iwinjo de; man igwoke, ilok cwinyi de. Ka kumeno tek ikuro ngo, abibino calu jakwo, man saa m’abibino i ie i wi ibing’eyo ngo.

1 Samwil 25:36

E Abigail udwogo ba Nabal; man, nen, eketho agba i ot pare, calu agba mir ubimo; e anyong’a nego Nabal ku yor i adundene, kum emer dit ku kong’o: kum kumeno eyero ire gin moko ngo, ma nok kadi ma dit, maram piny uru ko.