Luka 20:47 - The Holy Bible In Alur (Lur) Revised Orthography

⁴⁷ ma gicamu udi mi mon ma coggi tho, man gitimo rwo ma bor ni abombi: joni binwang’u lembapoka ma rac ma dit m’usagu.

Luka 20:47 ပူးပေါင်းရင်းမြစ်များ

Marko 12:40

gi ju ma gicamu udi mi mon ma coggi tho, ni abombi migi de girwo ku rwo ma bor; joni gibinwang’u lembapoka ma dit m’usagu.

Yakobo 3:1

Kindwu dupa kud ubed juponji, juwada, ma wung’eyo ko nia wabinwang’u lembapoka tek ma sagu.

Tito 1:16

Gituco nia ging’eyo Mungu; enke ku tic migi gikwere, gi ju ma judagu, man juco, man ku ba tic ma ber ceke en e gin moko ngo igi.

Luka 12:1

I kinde maeca, kan udul dhanu rubanga dupa gicokri karacelo, ketho ginyondri, elar emaku wacu ni julubne kumae, Wukuru ni thobi mi Jufarisayo, ma en e ambili.

Matayo 23:13

Ento can i wiwu, jugorcik ku Jufarisayo, weg ambili! kum wuciko dhu ker m’i polo i wang’ dhanu: kum wun giwu wumondo ngo, kadok ju m’ubemondo de wuyio ngo ya gimondi.

Mika 3:2

wun ma wudagu gin ma ber, man wumaru gin ma rac; wun ma wukabu dendkumgi kud i kumgi man ring’kumgi ku kum cogogi;

Mika 2:8

Ento i nindo maeni dhanu para giai calu jadegi: wukabu kendi m’abola ku kum kendi ku kum ju m’ukadhu akadha museme calu dhanu m’ukwero ali.

Amos 2:7

gi ju ma giketho cwinygi kum utur mi ng’om ma wi jucan, man giloko yo mi ju ma mol cen: man ng’atu ma nico ku won gimondo wi nyaku acel kara gicid nyinga ma leng’:

Ezekiel 33:31

Man gibino i beng’i calu dhanu bino, man gibedo i weng’wu calu dhanu para, man giwinjo lembe peri, ento gitimogi ngo; kum ginyutho mer ma dit ku dhoggi, ento adundegi cidho tok kuloka migi.

Isaya 10:2

kara ulok jacanpiny cen ni pokolembe, man kara ukwal ng’ol migi ba jucan mi dhanu para, kara mon ma coggi tho bed ayeki migi, man kara gidwok kic ni amaci migi!

1 Jutesaloniki 2:5

Kum nindo moko junwang’u watimo lembe mi pak mananu ngo, calu wung’eyo, kadi ku jambomb mi ketho cwiny hai kum piny de ngo, Mungu en e jamulembe;

Mika 2:2

E giketho cwinygi kum pothi, man gigamugi; man udi, e gikabugi: e gisendo dhanu ku juode, en e dhanu kud aba pare.

Ezekiel 22:7

Gicayu weggi ku meggi ii; giyenyo umondo ku rop i kindi; man gitimo kic ku dhaku ma cware tho rac i kindi.

Matayo 23:14

Can i wiwu, jugorcik ku Jufarisayo, weg ambili! kum wucamu udi mi mon ma coggi tho, cil kinde ma wuguro rwo ma bor: kum kumeno wubinwang’u lembapoka ma rac ma sagu.

Luka 20:46

Wukuru giwu ni jugorcik, ma gimaru woth ma ku kendi ma lor lor, man gimaru moth de i katali, ku bedo ma i ka m’usagu i kacokri, ku bedo ma i ka m’usagu i agba;

Luka 21:1

E eng’ayu wang’e malu, man eneno julonyo m’ubolo giramia migi i kakanpiny.