Luka 20:20 - The Holy Bible In Alur (Lur) Revised Orthography

²⁰ E gioro julib de i bang’e, ma gipali gigi nia gi pwe, kara gimak lembe m’i dhoge, kara gimie ni tego ku ng’ol pa jabim.

Luka 20:20 ပူးပေါင်းရင်းမြစ်များ

Luka 11:54

gilibe ko, kara gimak lem moko m’uai i dhoge.

Matayo 27:2

e gitwie, gicidho kude cen, man gimie ni Pilato ma jabim.

Yeremia 11:19

Ento abedo calu nyathi rombo ma mol ma jupeyo mi nek; man ang’eyo ngo nia gipido lembe i kuma, giwacu kumae, Wek wanyoth yen ku nyinge, man wek wang’ole woko kud i ng’om mi ju ma kwo, kara ku jupoi pi nyinge kendo.

Zaburi 81:15

Kuno di judegi Yehova gijwigri gigi ire: Ento nindo migi kuno di bedo mi nja.

2 Petro 2:3

I kethocwiny ma giketho hai kum piny gibitimo i kumwu ku lembabombi kara ginwang’ kuloka: ma pokolembe migi gambre con ugalu ngo, nyoth migi de nindo ngo.

Luka 20:26

E gicopo maku lem moko ngo i wang’ dhanu: e igi wang’ lii kum lembadwoka pare, man giling’.

Marko 3:2

E gikie, tek ebicange i ceng’ sabatu: kara gidote.

Yeremia 20:10

Kum awinjo yeronying’ mi dhanu dupa, ndiri ni kun ku kun. Jurimba ceke ma ceng’ni, gi ju m’ukuro kier para, giwacu kumae, Dote, e wabidote, kuno nyo ebiyio iwa, e wabisage, man wabiculo kwor mwa i kume.

Yeremia 18:18

Gilund giwacu kumae, Wubin, man wek wapor lembapora kum Yeremia; kum cik birwinyo ni jalam ungo, kadi lembapora de ni jarieko, kadi lembe ni jabila. Wubin, man wek wagoyue ku leb, man ku waketh cwinywa kum lembe pare moko.

Zaburi 66:3

Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

Zaburi 38:12

Ju m’uyenyo kwo para bende giciko uwic ira; Man ju m’uyenyo gitima rac giweco lem ma rac, Man igi pido lembabombi ceng’ du.

2 Samwil 14:2

Man Yoab uoro kwendai i Tekoa, man egamu dhaku ma riek ku kuca, man ewacu ire kumae, Akwei, peli giri nia in i jaywak, man ikend kendi mi ywak, akwei, man kud iwiri ku mo, ento ibed calu dhaku m’ugamu ywak con kum dhanu pare m’utho:

Daniel 6:4

Judongo ku jego gilund giyenyo ginwang’ lembe kum Daniel pi ker; ento gicopo nwang’u lembe moko ngo kadok lem ma rac, kum en e mandha, kadok kier moko kadi lem ma rac de junwang’u i ie ngo.

Luka 20:21

Man gipenje, giwacu kumae, Japonji, wang’eyo nia iweco iponjo de cu, man ijolo ayi dhanu ngo, ento andha iponjo yo pa Mungu: