Luka 2:7 - The Holy Bible In Alur (Lur) Revised Orthography

⁷ Man enyolo wode ma kayu; eboye ku bongu mi mukere, man epiele i ka cemo mi dhiang’, kum kabedo mbe igi i odwelo.

Luka 2:7 ပူးပေါင်းရင်းမြစ်များ

Thangambere 42:27

Man ka ng’atu acel m’i kindgi yabu dhu usau pare kara emi cemo ni kana pare i kagonjo, eneno sente pare; man, nen, eni i dhu usau pare.

Thangambere 43:21

man etimbre, kinde ma wawok i kagonjo, nia wayabu usau mwa, man, nen, sente mi dhanu kubang’gi kubang’gi ng’atuman pare ni i dhu usau pare, sente mwa ni bo: man wakele kendo i cingwa.

Zaburi 22:6

Ento an a ukoko, man dhanu ngo; An a cac mi dhanu, man ma dhanu cayu.

Ai 4:24

E etimbre dhu yo i kagonjo, nia Yehova rombo kude, man eyenyo nege.

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Matayo 1:25

man eng’eye ngo ma fodi k’enyolo nyathin ma nico ngo: man elwong’o nyinge Yesu.

Matayo 13:55

Ng’atuni wod jabodho mi bau ngo? min mire julwong’o Mariamu ngo? utumin ke, Yakobo, ku Yusuf, man Simon, ku Yuda de ngo?

Matayo 8:20

E Yesu wacu ire kumae, Kaki bedo ku odng’om, winyo ma kor polo de gibedo ku odgi; ento Wod dhanu bedo ku kamoko ngo m’ejeng ie wie.

Luka 10:34

ebino de i bang’e, ekonjo mo ku pigulok i wang’ rem pare, etwio de; man ekethe wi kana pare gire, etere de i odwelo, man egwoke.

Luka 2:6

Etimbre, kinde ma gini keca, nia ceng’ uromo kakare m’ebinyol i ie.

Luka 2:8

I ng’ombuno jukwac nuti, ma gibedo i thim, man gibekuro udul rombe migi ku diewor.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

2 Jukorinto 8:9

Kum wung’eyo bero pa Rwoth mwa Yesu Kristu, nia kadok elony, ento edoko jacan piwu, kara wun wulony ni kum can pare.

Jugalatia 4:4

ento ka nindo m’uromo wok, Mungu oro Wode, ma nyaku nyolo, ma junyolo the cik,