Luka 2:4 - The Holy Bible In Alur (Lur) Revised Orthography

⁴ Yusuf bende idho malu m’eai i Galilaya, kud i adhura Nazareti, i Yahudi, ecidho bang’ adhura pa Daudi, ma julwong’o Beth-lehem, kum en e mi ot man wat pa Daudi;

Luka 2:4 ပူးပေါင်းရင်းမြစ်များ

Thangambere 35:19

E Rahel utho, man juyike i yo ma tundo Efrath (ma en e Beth-lehem).

Thangambere 48:7

Man an, kinde m’aai Padan, Rahel utho i vuta i ng’om Kanan i yo, ma fodi woth ulwar i wang’wa ma jutundo ko Efrath: man ayike keca i yo ma jutundo ko Efrath (ma en e Beth-lehem).

Mika 5:2

Ento in, Beth-lehem Efratha, m’i nok m’ibedo kind rubanga mi Yuda, ng’atu moko biwok i bang’a kud ii ma bibedo jabim i Israel; ma wokwoko pare gambre con, ugambre mi nja.

Matayo 1:20

Ento ka ie pido kum lembe maeni, nen, malaika pa Rwoth uwok i bang’e ku wang’ lek ewacu kumae, Yusuf, i wod Daudi, lworo kud unegi nigamu Mariamu ma dhaku peri i beng’i: kum maeno m’egamu i ie en e pa Tipo Maleng’.

Matayo 2:23

man ebino ebedo i adhura ma julwong’o Nazareti; kara gin m’uyere ku dhu jubila timbre kakare, nia jubilwong’e Janazareti.

Luka 2:3

Dhanu ceke eidho kubang’gi nzu bang’ adhura migi ma dhe nigoro nying’gi gigi.

Luka 2:5

nigoro nying’gi gigi giku Mariamu ma cege, m’ebenyomo, ma ie teng’ni.

Luka 4:16

Ebino Nazareti, ka ma jutunge i ie: man emondo i kacokri i ceng’ sabatu, calu kurane, man ecungo malu nisomo.

Yohana 1:46

Nathanael uwacu ire kumae, Gin moko ma ber copo ai i Nazareti? Filipo wacu ire kumae, Bin inen.

Yohana 7:42

Lembagora pa Mungu wacu ngo nia Kristu ai ba kodhi Daudi, man i Beth-lehem, pacu ma yang’ Daudi bedo i ie?

Ruth 1:19

Kum kumeno gin ario gicidho cil ma giwok ko Beth-lehem. Man etimbre, ka giwok Beth-lehem, nia adhura ceke igi wang’ lii i kumgi, mon de wacu kumae, Maeni en e Naomi?

Ruth 2:4

Man, nen, Boaz uai Beth-lehem, man ewacu ni jukai kumae, Yehova bed kudu. Gidwoko ire lembe kumae, Yehova mi mugisa iri.

Ruth 4:11

E dhanu ceke ma gini dhugang’, man judongo, giwacu kumae, Wan wa jumulembene. Yehova uketh dhaku m’ubino i ot peri calu Rahel ku Leya, gi mon ario ma gigomo ot mir Israel: man igam iri lonyo i Efratha, man ibed ma rwongi yik i Beth-lehem:

Ruth 4:17

Man mon ma wedine gicaku nyinge, giwacu kumae, Junyolo nyathin ma nico ni Naomi; e gicaku nyinge Obed: en e won Yese, ma won Daudi.

1 Samwil 16:1

Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.

1 Samwil 16:4

E Samwil utimo gin maeno ma Yehova yero, man ebino Beth-lehem. Man judongo mir adhurane gibino rombo kude ma kumgi bemiel, man giwacu kumae: Ibino ku kwiocwinyi?

1 Samwil 17:12

Nwang’u Daudi en c wod Jaefrathi maeno ma Beth-lehem-yuda, ma nyinge Yese; man wote abora: man ng’atuno ti i nindo pa Saul, ma rundi pare doko dupa i kind dhanu.

1 Samwil 17:58

Man Saul uwacu ire kumae, In i wod ng’a, jalawobi? Man Daudi wacu kumae, An a wod jatic peri ma Yese ma Jabeth-lehemi.

1 Samwil 20:6

Tek wuru neno nia ambe, e iwac kumae, Daudi penja ngili ngili nia ayi ering i Beth-lehem m’adhura pare; kum en e lam ma ku ba rundi kuca ni wat ceke.