Luka 2:10 - The Holy Bible In Alur (Lur) Revised Orthography

¹⁰ Malaika wacu igi kumae, Lworo kud unegwu; kum nen, akelo iwu rwonglembe ma ber mir anyong’a ma dit ma bibedo ni dhanu ceke:

Luka 2:10 ပူးပေါင်းရင်းမြစ်များ

Thangambere 12:3

man abimio mugisa ni ju m’umio mugisa iri, man ng’atu m’ulemi abilame: man wat ceke m’i ng’om binwang’u mugisa ni kumi.

Isaya 40:9

E in m’iyero rwonglembe ma ber ni Sayuni, idh malu wi got ma wiu; E in m’iyero rwonglembe ma ber ni Yerusalem, ting’ dwendi malu ku tego; ting’e malu, lworo kud unegi; wac ni adhura mi Yuda kumae, Nen, Mungu mu!

Isaya 41:27

An a ma kwong’a m’awacu ni Sayuni kumae, Nen, nengi; man abimio ng’atu m’ukelo rwonglembe ma ber ni Yerusalem.

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 52:10

Yehova wanyu bote ma leng’ i wang’ thek ceke; man kajik mi ng’om ngung’ uneno both pa Mungu mwa.

Isaya 52:7

Tiend ng’atu m’ukelo rwonglembe ma ber wi gudi ber mire ma, m’urieyo kwiocwiny, m’ukelo rwonglembe ma ber mi gin ma ber m’urieyo pi both, m’uwacu ni Sayuni kumae, Mungu peri camu ker mire!

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Daniel 10:19

Man ewacu kumae, E ng’atu ma jumaru dit, lworo kud unegi: kwiocwiny ubed iri, bed ku tego, eyo, bed ku tego. E kinde m’eyero ira, judwoka tek, man awacu kumae, Wek rwoth para weci, kum idwoka tek.

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Matayo 14:27

Ento aruca ruca Yesu weco i bang’gi, ewacu kumae, Cwinywu bed tek; meni an; lworo kud unegwu.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Matayo 28:5

Malaika loko lembe ewacu de ni mon kumae, Lworo kud unegwu: kum ang’eyo nia wuyenyo Yesu, ma jugure.

Marko 1:15

ewacu kumae, Nindo timbre kakare, ker pa Mungu de ni ceng’ni: wulok cwinywu, wuyi lembanyong’a ma juboth ko.

Marko 16:15

Man ewacu igi kumae, Wucidh i ng’om yu, wuyer lembanyong’a ma juboth ko ni giracwia ceke.

Luka 1:13

Ento malaika wacu ire kumae, Lworo kud unegi, Zakaria: kum kwac peri winjre, cegi Elisabeti binyolo iri nyathin ma nico, man ibilwong’o nyinge Yohana.

Luka 1:19

Malaika dwoko lembe ewacu ire kumae, An a Gabriel, ma cungo i wang’ Mungu; man juora niyero iri, nikelo iri rwonglembe maeni de.

Luka 1:30

Malaika de wacu ire kumae, Lworo kud unegi, Mariamu: kum inwang’u bero ba Mungu.

Luka 2:11

kum tinuni junyolo iwu i adhura pa Daudi Jalar, ma en e Kristu ma Rwoth.

Luka 24:47

man kara juyer pi lokocwiny ku rucodubo i nyinge ni thek ceke, ugambre Yerusalem.

Luka 8:1

Man etimbre yo ku ng’eye nyanok, nia ecidho ku bang’ adhura ku pacu de, m’ebeyero m’ebekelo ko lembanyong’a ma juboth ko mi ker pa Mungu, karacelo kude de juapar wi ario,

Tic Mi Jukwenda 13:32

E wakelo iwu rwonglembe ma ber mi lembang’ola ma jumio ni kwaru,

Jurumi 10:15

man gibiyero nenedi, tek juorogi ngo? cil calu egore kumae, Ei karamb ber mi tiend ju m’ukelo lembanyong’a ma juboth ko mi gin ma ber!

Juefeso 3:8

Bero maeni jumio ira, an nini m’a nok ma sagu jumaleng’ ceke, ya ayer pi lonyo pa Kristu ma yenjre ngo ni Thekdhanumange;

Jukolosai 1:23

tek ebedo kumeno ya wubed i yioyic, ma ulegwu nyang’ ucungo tek de, ma wukucoro cen ungo kum genogen mi lembanyong’a ma juboth ko ma wuwinjo, ma juyero i giracwia pa Mungu ceke the polo; ma an a Paolo judwpka ni jatije.