Luka 18:7 - The Holy Bible In Alur (Lur) Revised Orthography

⁷ E Mungu biculo wang’ lembe mi ju m’egoyo wigi ngo m’uywak i bang’e dieceng’ ku diewor, ento fodi etwio cwinye i kumgi?

Luka 18:7 ပူးပေါင်းရင်းမြစ်များ

Zaburi 88:1

E Yehova, Mungu mi both para, Aywak dieceng’ku diewor i weng’i.

Zaburi 9:8

Ebipoko lembe mi ng’om ku bedopwe, Ebipoko lembe mi kodhidhanu atira.

Ai 22:23

Tek isendogi i lembe moko, man giywak i bang’a pi lembe moko, abiwinjo ywak migi andha;

Isaya 40:27

Iwacu nenedi, E Yakobo, man iyero nenedi, E Israel, kumae, Yo para bedo apana ni Yehova, man pokolembe ma ira kadhu woko ku ba Mungu para?

Habakuk 2:3

Kum ginmawokiwang’ fodi en e pi nindo ma juketho, man etimo pio i dhu kajikne, man ebicwayu ndra ngo: kadok egalu, kure; kum ebibino andha, ebigalu ngo.

Matayo 24:22

Man tek jukujwigo ceng’ maeno ngo, kuno di kum moko mbe m’ubin uboth: ento ni ju ma yang’ jugoyo nying’gi re ceng’ nino jubijwigo.

Matayo 24:24

Kum ju ma gi Kristu mi ndra gibiwok, man jubila mi ndra de, man gibinyutho giranyutha ma dit ku musana; kara giwing ko cil ju ma jugoyo wigi de, tek ecopre.

Matayo 7:11

Ka kumeno tek wun, ma wu rac, wung’eyo mio giramia ma ber ni nyithindho mu, Wegwu ma ni i polo bimio gin ma ber ma sagu ngo ni ju m’ukwaye?

Luka 11:13

Ka kumeno tek wun, ma wu rac, wung’eyo maram wumio ko giramia ma ber ni nyithindho mu, Wegwu ma ni i polo bimio Tipo Maleng’ m’usagu ngo ni ju m’upenje?

Luka 2:37

man ebedo umbe cware cil i oro pier abora wi ang’wen), m’eai ngo i hekalu, m’erwo ni Mungu diewor ku dieceng’ ku weko cam! ku kwayukwac de.

Luka 21:28

Ento ka gin maeni maku timbre, wung’ai weng’wu malu, wuting’ wiwu malu de; kum war mu dhingo ceng’ni.

Jurumi 8:33

Ng’a ma copo ketho lembe moko wi ju ma Mungu goyo nying’gi? Mungu e ma gonyo lembe ma wi jo;

Jukolosai 3:12

Ka kumeno wurony, calu dhanu ma Mungu goyo wigi, ma leng’ man jumer de, adunde mi ngisi, ku bedo ber ku dhanu, ku ming’o, ku molcwiny, ku mwonyo lembe hai;

1 Jutesaloniki 3:10

ma diewor ku dieceng’ de warwo apila kara wanen weng’wu, man kara waketh gin m’urem i yioyic mu dok ndhu cu?

2 Jutesaloniki 1:6

tek ebedo kumeno ya en e gin ma pwe ni Mungu y a ecul ruvwa ni ju m’unyayu ruvwa i kumwu,

1 Timoteo 5:5

Nie ng’atu ma dhaku ma cware tho andha, man ebedo e kende, e genogen pare ni ba Mungu, man ebedo kokro ku kwayukwac ku rwo diewor ku dieceng’ de.

2 Timoteo 1:3

Afoyo Mungu, m’atimo ire ku pidocwinya ma leng’ ugambre kum kwara, ma ia kuweko poyo piri ngo i kwac para m’akwayu, diewor ku dieceng’ de

2 Timoteo 2:10

Kum kumeno aciro gin ceke pi ju ma jugoyo nying’gi, kara gin bende ginwang’ both ma juboth ko ma ni i Yesu Kristu karacelo ku dwong’ ma nja ku nja de.

Tito 1:1

Paolo, jamiru pa Mungu, man jakwenda pa Yesu Kristu calku yioyic mi ju ma Mungu goyo nying’gi, man ng’eyong’ec mi lemandha ma en e calku bedo ma ayi Mungu ni i kume,

1 Petro 1:1

Petro, jakwenda pa Yesu Kristu, ni ju ma jugoyo nying’gi ma gi jubedo mi Jumulal mba ma gini i Ponto, ku Galatia, ku Kapadokia, kud Asia, man Bithunia,

2 Petro 3:9

Rwoth galu ngo kum lembang’ola pare, calu jumoko kwanu galu; ento emwonyo lembe hai iwu, kum eyenyo ngo nia ng’atu moko rwiny, ento nia dhanu ceke gitund ba lokocwiny.

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

Lembanyutha 6:10

man gikok ku dwandgi ma dit, giwacu kumae, Rokani, E Rwoth, m’i leng’ andha de, ipoko lembe man iculo wang’ rimbwa wi ju m’ubedo wi ng’om ungo?

Lembanyutha 7:15

Ka kumeno gini i wang’ komker pa Mungu; man gitimo ire dieceng’ ku diewor i hekalu pare: man ng’atu m’ujany wi komker biguro hema pare i wigi.