Luka 16:2 - The Holy Bible In Alur (Lur) Revised Orthography

² Man elwong’e, ewacu ire kumae, Lem mae m’awinjo piri e ang’o? wodh wel mi kuropiny peri; kum icopo bedo jakurpiny kendo ngo.

Luka 16:2 ပူးပေါင်းရင်းမြစ်များ

Eklizia 12:14

Kum Mungu bikelo kwai tic ceke i titi, ku gin m’ubedo amung’a ceke kubang’e kubang’e, tek ebedo ber, kadi tek ebedo rac.

Matayo 12:36

Man awacu iwu, nia ku ba lembe ceke ma kite mbe ma dhanu biyero gibitito pire ceng’ pokolembe.

Matayo 20:8

E ka piny udoko uthieno, rwoth mi podho mir ulok uwacu ni jakurpiny pare kumae, Lwong’ jutic, mi igi sukulia migi, theke kum ma cen cil kum ma kwong’a.

Luka 12:20

Ento Mungu wacu ire kumae, In i jakasegu, diewor maeni jubilwong’o kwoni i beng’i; man gin m’iyiko, bidong’ ni ng’a?

Luka 12:42

Rwoth uwacu kumae, Ka ku meno ng’a ma jakurpiny mandha ma riek de, ma rwoth pare bikethe wi juode, nimio igi cemo maka migi ka nindone tundo?

Luka 16:1

Man ewacu ni julubne bende kumae, Jalonyo moko nuti m’ubedo ku jakurpiny; judoto ng’atuno i bang’e nia edhenyo piny pare.

Luka 16:3

Jakurpiny uwacu i ie gire kumae, Abitimo ang’o, kum rwoth para kabu tic mi kuropiny i bang’a? Tekra mbe mi furofur; lewic de nega kum kwayu piny.

Jurumi 14:12

Kum kumeno ku ba dhanu ceke m’i kindwa ng’atuman biyero pire gire ni Mungu.

1 Jukorinto 1:11

Kum jugolo beng’wu ira, juwada, ku yo ba juot pa Kloe, ya piem ni i kindwu.

1 Jukorinto 4:2

Mange ke, ebedo aketha ni jukurpiny ya ng’atuman junwang’e e ng’atu mandha.

1 Jukorinto 4:5

Kum kumeno kud wupok lembe moko ma fodi nindone kutundo ngo, cil ma Rwoth biwok ko, m’ebiwodho gin m’i mudho m’upondo uwok i der, man ke ebinyutho lembapora mir adunde; e ku ba dhanu ku ba dhanu man bilund bedo ku pak pare m’uai ba Mungu.

2 Jukorinto 5:10

Kum wan ceke wabikonyuthra be ngbeng’ i wang’ kom mi ng’olo lembe pa Kristu; kara dhanu ceke kubang’gi kubang’gi ng’atuman unwang’ gin m’utimbre i kum, rom ku gin m’etimo, kadok ebedo ber kadi rac.

1 Timoteo 4:14

Kud igal kum giramia ma ni ii, ma jumio iri ni kum lembila, ku cing’ ma judongo ketho i wii bende.

1 Timoteo 5:24

Dubo mi dhanu moko nyuthre ngbeng’, gilar gicidho i poko lembe; mi jumoko bende lubo ng’eigi.

1 Petro 4:10

calu ku ba dhanu ng’atuman ujolo giramia, ma wutim ko i kindwu giwu, calu jukurpiny ma ber mi bero pa Mungu ma kwonde tung’ tung’;

1 Petro 4:5

ma gibimio wel ni ng’atu m’ubedo ayika mi poko lembe mi ju ma kwo ku ju m’utho bende.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.