Luka 15:4 - The Holy Bible In Alur (Lur) Revised Orthography

⁴ Ng’a ma ni i kindwu ma won rombe dak, ma kan acel m’i kindgi rwinyo ire, eweko pier abung’wen wi abung’wen ungo i yamba, ecidho de eyenyo maeni m’urwinyo ngo, maram enwang’e ko?

Luka 15:4 ပူးပေါင်းရင်းမြစ်များ

Zaburi 119:176

Akier calu rombo m’urwinyo; yeny jatic peri; Kum wia wil ungo kum lembang’ola peri.

Isaya 53:6

Kawa ceke wakier calu rombe; wakier kubang’wa kubang’wa ng’atuman i yoje gire man i yoje gire; man Yehova ketho kier mwa ceke i wie.

Yeremia 33:13

I adhura mi ng’om gudi, i adhura mi poga, man i adhura ma yor ariwa ma piny, man i ng’om Benyamin, man i ka Yerusalem gbur, man i adhura mi Yuda, udul rombe bikadhu kendo the cing’ ng’atu m’ukwanu welgi, Yehova wacu.

Yeremia 50:6

Dhanu para gibedo ni rombe m’urwinyo: jukwac migi ketho gikier; gilokogi cen wi gudi; gicidho ugambre kum got cil kum ungulu got; wigi wil kum kayom migi.

Ezekiel 34:16

Abiyenyo maeno m’urwinyo, man abidwoko maeno ma juriemo woko, man abitwio maeno m’utur, man abimio tego ni maeno ma kume lith; ento m’ucwe ma jutego de abinyotho; abikakugi ku pokolembe.

Ezekiel 34:31

E wun wu rombe para, rombe mi kakwae para, wu dhanu, man an a Mungu mu, Rwoth Yehova wacu.

Ezekiel 34:4

Ma tho ni kume wumio tego ngo ire, kadi wucangu maeno ma kume lith de ngo, kadi wutwio gin m’utur de ngo, kadi wudwoko maeno ma juriemo cen de ngo, kadi wuyenyo maeno m’urwinyo de ngo; ento wubimo i wigi ku tego man ku kero.

Ezekiel 34:8

Calu abedo kwo, Rwoth Yehova wacu, andha kum rombe para doko ni amaci, man rombe para doko ni cemo ni yedi ceke m’i thim, kum jakwac umbe, kadi jukwac para yenyo rombe para ngo, ento jukwac gikakri gigi ku cemo, man gikaku rombe para ku cemo ngo;

Matayo 12:11

Man ewacu igi kumae, Ng’atu moko m’i kindwu, ma won rombo acel, tek eni de podho i vur i ceng’ sabatu, ebimake, ebiwodhe woko de ngo?

Luka 13:15

Ento Rwoth uloko lembe ewacu ire kumae, Wu weg ambili, wun kubeng’wu kubeng’wu ng’atuman gonyo dhiang’ pare kadi kana pare kud i dwol, epeye ba pi de ngo?

Luka 15:3

Man eyero igi lembabola mae, ewacu kumae,

Luka 19:10

Kum Wod dhanu bino niyenyo nilaru de ju m’urwinyo.

Jurumi 2:1

Kum kumeno, E dhanu, in ma tek inuti m’ipoko lembe gin m’iloko wie lembe mbe: kum gin m’ipoko lembe pa wedu i ie, meca ipoko lembe rac i wii giri; kum in m’ipoko lembe icikutimo wagi gino.

1 Petro 2:25

Kum nwang’u wubekiewo calu rombe; ento kawono wudwogo ba Jakwac ku Jalieu mi ng’eyong’ec mu.