Luka 15:22 - The Holy Bible In Alur (Lur) Revised Orthography

²² Ento won uwacu ni jumiru pare kumae, Wuwodh kendi ma sagu wagi pio, wurony i kume; wuroi lagith de i lwete, ku wara de i tiende:

Luka 15:22 ပူးပေါင်းရင်းမြစ်များ

Thangambere 41:42

Man Farao wodho lagith mir ayine kud i cinge, man eroye i cing’ Yusuf, man eronye ku kendi mi bongu ma nwang’ ma ber, e ebolo nyoro mi mola ma kwar i ng’ute;

Ester 3:10

E ubimo wodho lagith kud i cinge, man emie ni Haman ma wod Hamedatha ma Jaagagi, ma jadegi mi Juyahudi.

Ester 8:2

E ubimo wodho lagith pare, m’egamu ba Haman, man emie ni Mordekai. Man Ester uketho Mordekai wi ot pa Haman.

Zaburi 132:16

Abironyo julam pare ku both; Man jumaleng’ pare bikok ma tek ku mutoro.

Zaburi 132:9

Wek julam peri gironjri ku bedopwe; Man wek jumaleng’ peri kok ni mutoro.

Zaburi 18:33

Edwoko tienda calu tiend nyajwaya: Man eketha malu wi kakara ma malu.

Zaburi 45:13

Nyar ubimo en e dwong’ kwa yor i odker: Kendi pare en e mi thondh mola ma kwar.

Wer Pa Suleman 7:1

Tiendi leng’ i wara m’athuma mire, E nya jaditmawijo! Bembi ma ngulu ngulu calu jambruko, Tic mi cing’ jabodho ma riek.

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Luka 15:21

Wode wacu ire kumae, Vwa, adubo ni polo, kud i weng’i de: aromo ngo kendo ya julwong’a wodi.

Luka 15:23

man wukel nyathi dhiang’ m’ucwe, wuthume, man wek wacam, watim anyong’a de:

Jurumi 13:14

Ento dong’ wurony Rwoth Yesu Kristu, man kud wuyik kaka ni kum, ni awanyane ma rac.

Jurumi 3:22

en e bedopwe pa Mungu ma ni kum yioyic i Yesu Kristu ni dhanu ceke ma giyio; kum tung’ tung’ umbe;

Jurumi 8:15

Kum wujolo tipo mi ng’eca kendo ngo ni lworo, ento wujolo tipo mi dwok ma judwoko kowu ni nyithindho, ma walwong’o ko kumae, Abba, Vwa.

Jugalatia 3:27

Kum wun ceke ma jumio baputisi iwu i Kristu wuronyo Kristu.

Juefeso 6:15

ma wudaru royo girayika mi lembanyong’a ma juboth ko mi kwiocwiny i tiendwu;

Poi Mi Cik 33:25

Utwindi peri bibedo nyunyu man mola; Man calu nindo peri; tego peri bibedo kumeca.

Lembanyutha 19:8

Man emire ire nia eronjre gire ku bongu ma nwang’ ma nwe nwe, ma riang’ni, ma leng’ de: kum bongu ma nwang’ ma nwe nwe en e tic mi bedopwe mi jumaleng’.

Lembanyutha 2:17

Ng’atu ma ithe nuti, dong’ ewinj gin ma Tipo yero ni kanisa. Ni ng’atu m’uloyo, abimio ire kum mana m’akana, man abimio ire kidi ma tar, man wi kidine nying’ ma nyen m’ukieure, ma ng’atu moko mbe m’ung’eye ndhu ng’atu m’ujole.

Lembanyutha 3:18

amio iri rieko nia ing’ieu mola ma kwar i bang’a m’uwang’ i mac, kara idok m’i lony; ku kendi ma tar, kara ironjri, kara lewic mi muneru peri kud unen: man mo m’i wang’ de m’iwir ko weng’i, kara inen.

Lembanyutha 6:11

Man jumio igi kendi ma tar ma lot kubang’gi nzu; man juwacu igi, nia gikogiyom tundu nindo ma nyanok, cil m’ebitimbre kakare kum jutic wagi bende man kum wedigi, ma jubinegogi calu gin.

Lembanyutha 7:9

Yo ng’ei gin maeni aneno, man nen, udul dhanu ma dit, ma ng’atu moko mbe ma copo kwanu, m’uai kud i thek ceke kubang’gi nzu man kud i suru ceke man kodhidhanu ku dhok, gicungo wang’ komker man i wang’ Nyathi Rombo, ma gironyo kendi ma tar ma lot, ku ndhendhe i cing’gi;