Luka 15:20 - The Holy Bible In Alur (Lur) Revised Orthography

²⁰ E eai, ebino de ba won. Ento ka fodi eni bor, won unene, ngisi nege de, man eringo, egwaku ng’ute, ecwio limbe de.

Luka 15:20 ပူးပေါင်းရင်းမြစ်များ

Thangambere 33:4

Man Esau ringo kara eromb kude, e egwake, man epodho i ng’ute, e ecwio limbe: man giywak.

Thangambere 45:14

Man epodho wi ng’ut Benyamin m’umin, e eywak; man Benyamin uywak wi ng’ute.

Thangambere 46:29

E Yusuf uyiko magali pare, man eidho malu kara eromb kud Israel ma won, i Gocen; e enyuthre gire ire, man epodho i ng’ute, eywak de wi ng’ute hai.

2 Samwil 14:33

Kum kumeno Yoab ubino bang’ ubimo, man eyero ire; e kan elwong’o Absalom, ebino bang’ ubimo, man erum arieba wang’e i wang’ ubimo: e ubimo cwio limb Absalom.

Zaburi 86:15

Ento in, E Rwoth, in i Mungu mi kisa man mi bero, Ibedo yo ni ng’ecwiny, man dit i mer mi bero ku lemandha.

Zaburi 86:5

Kum in, Rwoth, i ber, man ibedo ayika mi weko dubo, Man i dit i mer mi bero ni dhanu ceke m’ulwong’i.

Isaya 49:15

Wi dhaku copo wil kum nyat’nin pare ma dhothi, ma nia ngisi nege ngo kum nyathin m’i ie? eyo, wi maeni copo wil, ento wia btoril piri ngo,

Isaya 57:18

Aneno yo pare, man abicange: abitelo wie bende, man abidwoko jamjuk ire man ni juywak pare.

Yeremia 31:20

Efraim en e woda ma ka cwinya? en e nyathin mi meri? kum ku ba wec m’aweco i kume, acikupoi pire apoya: ka kumeno adundena ywage: kisa binega i kume andha, Yehova wacu.

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Luka 15:19

aromo ngo kendo nia julwong’a wodi; keth abed calu jatic peri acel mi sukulia.

Luka 15:21

Wode wacu ire kumae, Vwa, adubo ni polo, kud i weng’i de: aromo ngo kendo ya julwong’a wodi.

Tic Mi Jukwenda 2:39

Kum lembang’olane en e iwu, man ni nyithindho mu, man ni dhanu ceke ma gibedo bor cen, cil ku ju ma Rwoth Mungu mwa bilwong’o i bang’e.

Tic Mi Jukwenda 20:37

E kagi ceke giywak dit, gigwaku ng’ut Paolo gicwio limbe de,

Juefeso 2:13

Ento kawono i Kristu Yesu wun ma naka wuni bor judwoko wu ceng’ni i rimo pa Kristu.

Juefeso 2:17

man ebino ekelo kwiocwiny iwu ma nwang’u wuni bor ngbir, man kwiocwiny ni ju ma gini ceng’ni: