Luka 15:17 - The Holy Bible In Alur (Lur) Revised Orthography

¹⁷ Ento kan enwang’u rieko gire ewacu kumae, Jutic pa vwa mi sukulia adi m’ubedo ku kwen ma romogi donge dong’ de, ka an atho keni ku kec!

Luka 15:17 ပူးပေါင်းရင်းမြစ်များ

Zaburi 119:59

Ia pido kum yo para, Man aloko yo para ba lembatuca peri,

Zaburi 73:20

Calu lek kinde ma ng’atu moko ceu, Kumeno, E Rwoth, kinde m’iceu, ibicayu ayi migi.

Eklizia 9:3

Maeni en e gin ma rac i gin ceke m’utimbre the ceng’, nia lembe acel wok kum dhanu ceke: eyo bende, adunde wot dhanu pong’ ku lembe ma rac, man abelu ni i adundegi kinde ma gibedo kwo, man yo ng’ei maeni gicidho ba ju m’utho.

Yeremia 31:19

Andha yo ng’ei lok ma juloka ko, aloko cwinya; man yo ng’ei ponji ma juponja ko, agoyo bamba; lewic unega, eyo, cwinya ng’abre, kum ayeyo cac mir aradu para.

Ywak 1:7

Yerusalem upoi i nindo mi masendi pare man mi cur pare pi gin ma ber pare ceke ma yang’ ubedo nuti ugambre con: Kinde ma dhanu pare podho i cing’ jasend, man ng’atu moko mbe m’ukonye. Jusend ginene, gicayu uvuru pare.

Ezekiel 18:28

Kum ie pido, man elokre cen ni dubo pare m’edubo ceke, ebibedo kwo andha, ebitho ngo.

Hoseya 2:7

Man ebilubo tok ju m’umare, ento ebirubogi ngo; ebiyenyogi, ento ebinwang’ugi ngo: ebilund wacu kumae, Abicidho man abidok ba cwara ma kwong’a; kum naka e ber ira ma sagu kawono.

Luka 15:16

Man eyenyo eyeng’ ku cung’ cam ma kul ucamu: e ng’atu moko mbe m’umio ire.

Luka 16:23

Man eng’ayu wang’e malu kud i Hadeya, ma eni i ndiba, e eneno Ibrahim ku bor, man Lazaro de ni kore.

Luka 8:35

Man gicidho woko kara ginen gin m’utimbre; e gibino ba Yesu, man ginwang’u ng’atu ma pajogi ai i ie, ebedo the tiend Yesu m’ekendo bongu, pidoie de cu: e lworo makugi.

Tic Mi Jukwenda 12:11

E ka wang’ Petro lero, ewacu kumae, Kawono apoi ng’eyo andha, nia Rwoth uoro malaika pare ulara kud i cing’ Herode, man kud i genogen ceke mi dhanu mi Juyahudi.

Tic Mi Jukwenda 2:37

Nie ka giwinjo maeni, e ecobo adundegi, man giwacu ni Petro giku jukwenda wagi de kumae, Umego, wabitimo ang’o?

Juefeso 5:14

Kum kumeno ewacu kumae, Dong’ iceu, in m’ibenindo, man iai i kind ju m’utho, man Kristu birieny i wii.