Luka 14:13 - The Holy Bible In Alur (Lur) Revised Orthography

¹³ Ento kan itimo agba, lwong’ jucan, ku weg abala mi bot, ku weg abala mi tielo ku ju ma abinga:

Luka 14:13 ပူးပေါင်းရင်းမြစ်များ

Luka 14:21

Jamiru bino, eyero gin maeni ni rwoth pare. E ng’ecwiny ulund umaku won ot, man ewacu ni jamiru pare kumae, Ci pio i gengi kud i yo ma i adhura de, ikel i ie kakeni jucan, ku weg abala mi bot, ku ju ma abinga, man weg abala mi tielo.

Isaya 58:10

man tek imio gin ma ng’eyong’ec peri yenyo ni ju ma kec unegogi, man iyeng’o ng’eyong’ec ma jusendo: e der peri bilund yabre i mudho, man paru pi jo ngo peri bibedo calu dieceng’;

Lembrieko 14:31

Ng’atu m’utimo jacan rac nwang’u ecayu Jacwicne. Ento ng’atu ma kisa nege kum jacanpiny nwang’u eyunge.

Isaya 58:7

En e nia jupok kwen peri ni ju ma kec unegogi ngo, man nia ikel jucan ma jubayu i ot peri? kinde m’ineno ng’atu ma muneru, ya iume; man nia kud ipond ni juot peri ma dhe?

Juebrania 13:2

Wiwu kud uwil kum nyutho mer ni welo: kum ni kum maeno jumoko gwoko malaika ma jukung’eyo ngo.

Nehemia 8:10

Elund ewacu igi kumae, Wucidh i yo mu, wucam gin ma mio, man wumadh gin ma jom, e wuor ng’et piny ba ng’atu ma juyiko gin moko ire ngo; kum tin en e ceng’ ma leng’ ni Rwoth mwa: kadi can de kud unegwu; kum anyong’a pa Yehova en e tego mu.

Matayo 22:10

Jumiru nino gicidho i gengi, gicoko dhanu ceke karacelo ma ginwang’u ju ma pigi rac ku ju ma pigi ber bende: e ambadha dhir ku ju ma julwong’o.

Poi Mi Cik 16:14

man anyong’a negi kum agba peri, in, ku wodi, man nyeri, ku jamiru peri, man bong’ peri, ku Jalawi, man umondo, ku kic, man dhaku ma cware tho, ma gini i dhugang’ peri

1 Timoteo 5:10

ma rwong tic ma ber pare ku yik ungo; tek etungo nyithindho, tek egwoko welo, tek elwoko tiend jumaleng’ de, tek ekonyo jucan de, tek elubo tic ma ber ceke kubang’gi kud amora, a dong’ jugor nyinge.

Poi Mi Cik 16:11

man anyong’a negi i wang’ Yehova Mungu peri, in, ku wodi, ku nyeri, ku jamiru peri, man bong’ peri, ku Jalawi ma ni yo i dhugang’ peri, kud umondo, ku kic, man dhaku ma cware tho, ma gini i kindi, i ka ma Yehova Mungu peri bigoyo wie, kara eketh nyinge bed keca.

Poi Mi Cik 14:29

man Jalawi, kum makapiny pare kadi aba pare de mbe karacelo kudi, man umondo, ku kic, man dhaku ma cware tho, ma gini yo i dhugang’ peri, gibibino, man gibicamu gibiyeng’ de; kara Yehova Mungu peri mi mugisa iri i tic ceke mi cingi m’itimo.

1 Timoteo 3:2

Ka kumeno jalieu ukoubed ma adote mbe i kume be, cwar dhaku acel, ng’atu ma dhiro wi ava gin ceke, ma pidoie nger, ng’atu ma ketho tic cungo cu, ng’atu ma gwoko welo ber, ng’atu m’ung’eyo rieko mi ponji;

Kitabu Pa Yob 29:13

Mugisa pa ng’atu ma ceng’ni rwinyo bino i wia; Man aketho cwiny dhaku ma cware tho wer ni anyong’a.

Nehemia 8:12

E dhanu ceke gicidho i yo migi nicamu, man nimadhu, man nioro ng’et piny, man kara gitim anyong’a ma dit, kum ging’eyo lembe ma juyero igi.

2 Lemkei 30:24

Kum Hezekia m’ubimo mi Yuda mio thwoni dhiang’ rubanga acel man rombe rubanga abiro ni cokri ni lam; man judongomawijo gimio thwoni dhiang’ rubanga acel ku rombe rubanga apar ni cokri: man wel julam ma dit gidwokri gigi leng’.

2 Samwil 6:19

Man epoko kwen m’ang’ina, ku ring’o moko, ku kwend nyingulok m’uthwo, i kind dhanu ceke kubang’gi kubang’gi, i kind udul ceke mir Israel. Kum kumeno dhanu ceke giai ng’atuman ba ot pare man ba ot pare.

Tito 1:8

ento ebed ng’atu ma gwoko welo ber, ma jamar gin ma ber, ma pidoie nger, ma pwe, ma leng’ de, ma kwere gire;

Filemon 1:7

Kum mutoro nega dit ku jukojuk de i mer peri, kum adunde jumaleng’ uyepo ni kumi, umira.

Tic Mi Jukwenda 9:39

E Petro ai malu gicidho gikugi de. E kan ewok, gitere i ot ma malu: man mon ma coggi tho ceke gicoro i vute gibeywak, gibenyutho ko kanzu ku kendi de ma Dorka ubedukwoyo ma fodi enuti i bang’gi.

Luka 11:41

Ento wumi gin ma ni i iwu ni giramia; e ka gin ceke bibedo leng’ iwu.

Lembrieko 22:9

Ng’atu ma wang’e ni woko mugisa bikwanye; Kum emio kwen pare moko ni jucan.

Matayo 15:30

E udul dhanu ma dit de gibino i bang’e, ma gibedo ku weg abala, ku ju ma abinga, ku ju ma ajuba, ku weg abala mi bot, ku ju mange de dupa, man gipielogi piny the tiende; e ekeyo kumgi:

Luka 14:12

Man ewacu ni ng’atu m’ulwong’e de kumae, Kan itimo cam mi dieceng’ kadi mir uthieno, kud ilwong’ jurimbi, kadi utumeru, kadi wat peri, kadi judhugola peri ma julonyo; gin bende gimaru lwong’i ka wang’ maeni, e wang’e bicule iri.

Luka 14:14

e mugisa bikwenyi: kum gin moko mbe kugi ma gicul kawang’e: kum ebicule iri i cer mi weg bedopwe.